ചേതനയറ്റ നിമിഷങ്ങള് കോറിയെന്
നെഞ്ചിലൂറും കനല്പാട്ടാണിത്...
വെട്ടിപ്പിടിക്കാന് വെമ്പുന്നു പെണ്മയെ
തന്റേടം ഊറ്റം നിറച്ച നരാധമര്
കാമാന്ധ കണ്ണുകള് മോഹം നിറച്ചെന്തേ
നഗ്നദേഹം കാണ്മൂ വസ്ത്രത്തിലും
കൂടെപ്പിറപ്പിനെ കണ്ടാലറിയാത്ത,
കൂടെയുറങ്ങാനൊരുല്പന്നമായി നീ
സ്ത്രീയെ നിനക്കാതിരിക്കെന്റെ സോദരാ..
നീ വന്നതമ്മതന് മാനസം ചീന്തിയാ-
ണമ്മയായ് കാണാത്തതെന്തേ നീ പെണ്ണിനെ...?
പെങ്ങളായ് കാണാത്തതെന്തേ നീ പെണ്ണിനെ...?
കണ്ണുനീര് മാത്രം കുടിക്കാന് വിധിക്കുവാന്
പെണ്മയെന്തേ നിന്നടിമയെന്നോ..?
ആവര്ത്തനങ്ങളുണ്ടാവാതിരിക്കട്ടെ
നിര്ഭയപോലെ കരയിച്ച പെങ്ങളെ ഓര്ത്തിനി
സംസ്കാര ശൂന്യത നെഞ്ചിലേറ്റിക്കനല്^
ത്തീ പ്രസംഗം നടത്തുവതല്ല ന്യായം
പെണ്ണിലേക്കത്തെുന്ന ക്രൂരമാം കൈകളെ
വെട്ടിയെടുക്കാന് തുനിയണം നാം ജനം
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.