നാ​ട്ടി​ൽ തെ​ര​ഞ്ഞെ​ടു​പ്പാ​ര​വം; നാ​സ​ർ ഖാ​ദ​റിന്‍റെ മ​ന​സ്സി​ൽ പോ​രാ​ട്ട​ സ്​​മ​ര​ണ​യും

നാട്ടിൽ തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിന്​ അരങ്ങ്​ ഒരുങ്ങിക്കഴിഞ്ഞു. പ്രവാസലോകത്ത്​ ശ്രദ്ധേയരായ നിരവധി പേരാണ്​ ഇത്തവണ തെരഞ്ഞെടുപ്പ്​ ഗോദയിലുള്ളത്​.കാൽനൂറ്റാണ്ടിനുമുമ്പ്​ തെരഞ്ഞെടുപ്പ്​ ഗോദയിൽ ജനവിധി തേടിയതി​െൻറ ​ആവേശം മുറ്റിയ ഓർമകളിൽ ഇന്നും ജീവിക്കുകയാണ്​ എറണാകുളം കാക്കനാട് സ്വ​േദശിയും ദമ്മാമിലെ ദാറസ്സിഹ മെഡിക്കൽ സെൻററിലെ ഫിനാൻസ്​ മാനേജരുമായ നാസർ ഖാദർ.

1995ൽ ആയിരുന്നു ആവേശകരമായ ആ മത്സരം. എറണാകുളം ജില്ലയിൽ വ്യവസായ മേഖലയായ കളമശ്ശേരി മുനിസിപ്പാലിറ്റിയിൽ കോൺഗ്രസി​െൻറ സിറ്റിങ്​​ സീറ്റ്​ പിടിക്കാൻ ഇടതുപാർട്ടി കണ്ടെത്തിയ യുവതുർക്കിയായിരുന്നു നാസർ ഖാദർ. അന്ന്​ ഡി.വൈ.എഫ്​.​െഎയുടേയും മാതൃ പാർട്ടിയുടേയും സമരമുഖങ്ങളിലെ ഉശിരുള്ള സാന്നിധ്യമായിരുന്നു നാസർ.

നിരവധി പ്രമുഖരെ മറികടന്ന്​ തന്നെ പാർട്ടി ദൗത്യം ഏൽപിക്കു​േമ്പാൾ മനസ്സ്​ നിറയെ ആവേശമായിരുന്നു. ത​െൻറ വിജയത്തിനപ്പ​ുറത്ത്​ പാർട്ടിയെ വിജയതീരത്ത്​ എത്തിക്കുക എന്നത്​ മാത്രമായിരുന്നു അന്ന്​ മനസ്സിൽ. ത​െൻറ കളിക്കൂട്ടുകാരൻ കൂടിയായ മുസ്​ലിം ലീഗിലെ ടി.എസ്.​ അബൂബക്കറായിരുന്നു യു.ഡി.എഫ്​ സ്ഥാനാർഥി. പാർട്ടിയാണ്​ എല്ലാം.എക്കാലത്തേയും വലിയ നേതാവ്​ ഇ.കെ. നായനാരാണ്​ അന്ന്​ തെരഞ്ഞെടുപ്പ്​ പ്രചാരണം ഉദ്​ഘാടനം ചെയ്​ത്​ സ്​ഥാനാർഥികളെ പരിചയപ്പെടുത്തിയത്​.

അന്ന്​ പാർട്ടിതന്ന ഉപദേശമാണ് ​ആ പാർട്ടിയോട്​ തനിക്ക്​ ഇത്രയേറെ പ്രിയം നൽകുന്നതെന്ന്​ നാസർ പറയുന്നു. തെരഞ്ഞെടുപ്പിൽ ഒരു ചില്ലിക്കാശുപോലും സ്വന്തം പോക്കറ്റിൽനിന്ന്​ ചെലവാക്കരുതെന്നും എത്ര പ്രലോഭനം ഉണ്ടായാലും പാർട്ടി നയങ്ങളിൽനിന്ന്​ വ്യതിചലിക്കരുതെന്നുമായിരുന്നു ആ ഉപദേശം​. കൂലിപ്പണി ചെയ്​ത്​ നിത്യവും കുടുംബം പുലർത്തുന്ന പാവങ്ങൾ എല്ലാം മറന്ന്​ രാവും പകലുമില്ലാതെ തെരഞ്ഞെടുപ്പ്​ ഗോദയിൽ ഒപ്പം നിന്നു.

വൻ ഭൂരിപക്ഷത്തിൽ യു.ഡി.എഫ്​ ജയിച്ചുകൊണ്ടിരിക്കുന്ന മണ്ഡലത്തിൽ ഒടുവിൽ കേവലം 64 വോട്ടിന്​ നാസറിന്​ അടിയറ പറയേണ്ടി വന്നു.ഇന്നും ഓരോ തെരഞ്ഞെടുപ്പ്​ കാലവും അന്നത്തെ ആവേശങ്ങളെ മനസ്സിൽ നിറക്കുമെന്ന്​ നാസർ പറയുന്നു. ഇത്തവണ തെരഞ്ഞെടുപ്പിൽ സഹോദരൻ ഇബ്രാഹിം കുട്ടി സ്ഥാനാർഥിയായി പോരാട്ട രംഗത്തുണ്ടെന്ന പ്രത്യേകതയുണ്ട്​.