പൊന്നോണത്തെ വരവേൽക്കാൻ മഞ്ഞമുണ്ടുകൾ ഒരുങ്ങുന്നു

ബാ​ല​രാ​മ​പു​രം: ഇ​ത്ത​വ​ണ​ത്തെ ഓ​ണ​ത്തി​ന് മി​ഴി​വേ​കാ​ൻ ബാ​ല​രാ​മ​പു​ര​ത്തെ​യും സ​മീ​പ​പ്ര​ദേ​ശ​ങ്ങ​ളി​ലെ​യും കൈ​ത്ത​റി​ക​ളി​ൽ മ​ഞ്ഞ​ക്കോ​ടി ഒ​രു​ങ്ങു​ന്നു. കോ​വി​ഡി​നു ശേ​ഷം ത​ക​ർ​ന്ന മ​ഞ്ഞ​മു​ണ്ട് നെ​യ്ത്ത് ഇ​ത്ത​വ​ണ ഏ​റെ പ്ര​തീ​ക്ഷ​യി​ലാ​ണ്. ക​ഴി​ഞ്ഞ വ​ർ​ഷ​ത്തെ​ക്കാ​ൾ ഇ​ര​ട്ടി​വി​ല​യാ​ണ് നൂ​ലി​നെ​ങ്കി​ലും ഓ​ണം അ​തു ത​ര​ണം ചെ​യ്യു​മെ​ന്ന വി​ശ്വാ​സ​ത്തി​ലാ​ണ്​ ബാ​ല​രാ​മ​പു​ര​ത്തെ ഓ​രോ നെ​യ്ത്ത് പു​ര​ക​ളി​ലും മ​ഞ്ഞ​മു​ണ്ട് നെ​യ്ത്ത് തു​ട​രു​ന്ന​ത്.

നെ​യ്ത്തു​കാ​ർ​ക്ക് ന​ഷ്​​ട​ത്തി​ന്‍റെ ക​ണ​ക്കാ​ണ് പ​റ​യാ​നു​ള്ള​തെ​ങ്കി​ലും മു​ണ്ട് ആ​വ​ശ്യ​ക്കാ​ർ നി​ര​വ​ധി​യാ​ണ്. മ​ഞ്ഞ​മു​ണ്ട് വാ​ങ്ങാ​തെ ഓ​ണം ആ​ഘോ​ഷി​ക്കു​ന്ന​വ​ർ ചു​രു​ക്കം. വി​ശ്വാ​സ​ത്തി​ന്‍റെ ഭാ​ഗ​മാ​യാ​ണ് പ​ല​രും ന​ഷ്​​ട​ക്ക​ണ​ക്ക് അ​റി​യി​ക്കാ​തെ ത​റി​ക​ളി​ൽ മ​ഞ്ഞ​മു​ണ്ട് നെ​യ്യു​ന്ന​ത്. തി​രു​വ​ന​ന്ത​പു​രം ജി​ല്ല​യി​ലെ ബാ​ല​രാ​മ​പു​ര​ത്തു മാ​ത്രം നി​ർ​മി​ക്ക​പ്പെ​ടു​ന്ന മ​ഞ്ഞ​മു​ണ്ടു​ക​ൾ ഇ​ന്നു വ​ട​ക്ക​ൻ ജി​ല്ല​ക​ളി​ലും സം​സ്ഥാ​ന​ത്തി​ന് പു​റ​ത്തും പ്രി​യ​ങ്ക​ര​വും ഓ​ണാ​ഘോ​ഷ​ത്തി​ന് ഒ​ഴി​ച്ചു​കൂ​ടാ​നാ​വാ​ത്ത​തു​മാ​ണ്. ന​ഷ്​​ട​ത്തി​ലാ​ണെ​ങ്കി​ലും ആ​ചാ​ര​ത്തി​ന്‍റെ ഭാ​ഗ​മാ​യി​ട്ടാ​ണ് പ​ല​രും ഇ​പ്പോ​ഴും മ​ഞ്ഞ​മു​ണ്ട് നെ​യ്യു​ന്ന​ത്.

മാ​വേ​ലി​യു​ടെ കൊ​ടി​യു​ടെ നി​റം മ​ഞ്ഞ​യാ​യി​രു​ന്നു. ആ ​മ​ഞ്ഞ​ക്കൊ​ടി​യാ​ണ് ക​ല​ക്ര​മേ​ണ മ​ഞ്ഞ​ക്കോ​ടി​യാ​യ​തെ​ന്ന് പ​ഴ​മ​ക്കാ​ർ പ​റ​യു​ന്നു. മ​ഞ്ഞ​നി​റ​ത്തി​ൽ നി​ർ​മി​ക്കു​ന്ന മു​ണ്ടു​ക​ൾ ആ​ദ്യ​കാ​ല​ത്ത് കൊ​ച്ചു​കു​ട്ടി​ക​ൾ​ക്കു​വേ​ണ്ടി മാ​ത്ര​മാ​ണ് നി​ർ​മി​ച്ചി​രു​ന്ന​ത്. പി​ന്നീ​ട് ഇ​തു വാ​ഹ​ന​ങ്ങ​ളി​ലും വീ​ടു​ക​ളി​ലെ ഈ​ശ്വ​ര​ചി​ത്ര​ങ്ങ​ളി​ലും അ​ണി​യാ​ൻ തു​ട​ങ്ങി.

ബാ​ല​രാ​മ​പു​രം, ഐ​ത്തി​യൂ​ർ, അ​വ​ണാ​കു​ഴി, കോ​ഴോ​ട്, പെ​രി​ങ്ങ​മ്മ​ല എ​ന്നി​വി​ട​ങ്ങ​ളി​ലാ​ണ് നൂ​റു​ക്ക​ണ​ക്കി​ന് ത​റി​ക​ളു​ള്ള​ത്. ഒ​രു വ​ർ​ഷ​ത്തെ അ​ധ്വാ​ന​ത്തി​ന് പ്ര​തി​ഫ​ലം ല​ഭി​ക്കു​ന്ന​ത് അ​ടു​ത്ത ചി​ങ്ങ​മാ​സ​ത്തി​ലാ​ണ്. നൂ​ൽ വാ​ങ്ങി പ​ശ​യും മ​ഞ്ഞ​യും ചേ​ർ​ത്ത് ആ​ദ്യം ഉ​ണ​ക്കി​യെ​ടു​ക്കും. പ്ര​ത്യേ​ക പ​രു​വ​ത്തി​ലാ​ണ് നി​റം കൊ​ടു​ക്കു​ന്ന​തെ​ന്ന് 50 വ​ർ​ഷ​മാ​യി മു​ണ്ടു നെ​യ്യു​ന്ന ഐ​ത്തി​യൂ​ർ, വാ​റു​വി​ളാ​ക​ത്ത് വീ​ട്ടി​ൽ ര​വീ​ന്ദ്ര​നും വ​സ​ന്ത​യും പ​റ​യു​ന്നു.

നെ​യ്തെ​ടു​ക്കു​ന്ന തു​പ്പ​ട്ടി​ക​ൾ ശ്ര​ദ്ധ​യോ​ടെ കെ​ട്ടി​വെ​ക്കും അ​ടു​ത്ത ഓ​ണ​ക്കാ​ല​ത്തേ​ക്കാ​യി. ചെ​റി​യ ന​ന​വ് ത​ട്ടി​യാ​ൽ പോ​ലും മു​ണ്ടി​ൽ ചു​വ​പ്പ് നി​റം വ​രും. വ​ള​രെ സൂ​ക്ഷി​ച്ച് കൈ​കാ​ര്യം ചെ​യ്തി​ല്ലെ​ങ്കി​ൽ അ​ധ്വാ​ന​ത്തോ​ടൊ​പ്പം മു​ത​ൽ മു​ട​ക്കും പാ​ഴാ​വും. പ​ക​ൽ കൈ​ത്ത​റി മു​ണ്ട് നെ​യ്യാ​ൻ പോ​കു​ന്ന പ​ല​രും വീ​ടി​നോ​ട് ചേ​ർ​ന്ന ത​റി​പ്പു​ര​യി​ൽ രാ​ത്രി​കാ​ല​ങ്ങ​ളി​ലാ​ണ് മ​ഞ്ഞ​മു​ണ്ട് നെ​യ്യു​ന്ന​ത്. ആ​റു മാ​സം മു​മ്പു ത​ന്നെ ഇ​വ​ർ നെ​യ്ത്ത് ആ​രം​ഭി​ച്ചു.​പു​തി​യ ത​ല​മു​റ മ​ഞ്ഞ​ക്കോ​ടി നെ​യ്ത്തി​നെ​ത്തു​ന്നി​ല്ല. നി​ല​വി​ലെ നെ​യ്ത്തു​കാ​രു​ടെ കാ​ല​ശേ​ഷം മ​ഞ്ഞ​മു​ണ്ടു​ക​ൾ ഓ​ർ​മ​യാ​യി മാ​ത്രം അ​വ​ശേ​ഷി​ക്കും. പ​ഞ്ചാ​യ​ത്തോ സ​ർ​ക്കാ​റോ ഗൃ​ഹാ​തു​ര​ത്വം ന​ൽ​കു​ന്ന ഈ ​തൊ​ഴി​ലി​നെ സ​ഹാ​യി​ക്കാ​ൻ മു​ന്നോ​ട്ടു വ​രാ​ത്ത​തി​ൽ നെ​യ്ത്തു​കാ​ർ​ക്കും പ​രി​ഭ​വ​മു​ണ്ട്.