ന്യൂഡൽഹി: ഉത്തർപ്രദേശിലെ കാൺപുരിൽനിന്ന് മൂന്ന് നഗരങ്ങളിലേക്ക് വിമാന സർവിസ് ആരംഭിച്ച് ഇൻഡിഗോ എയർലൈൻസ്. മുബൈ, ബംഗളൂരു, ഹൈദരാബാദ് എന്നീ നഗരങ്ങളിലേക്കാണ് ആറ് വിമാന സർവിസുകൾ ആരംഭിച്ചത്.
ഞായർ ഒഴികെയുള്ള ദിവസങ്ങളിൽ സർവിസ് ഉണ്ടാകുമെന്ന് അധികൃതർ അറിയിച്ചു. കേന്ദ്ര വ്യോമയാന മന്ത്രി ജ്യോതിരാദിത്യ സിന്ധ്യ സർവിസുകളുടെ ഫ്ലാഗ് ഓഫ് നിർവഹിച്ചു. ഇൻഡിഗോ എയർലൈൻസ് സർവിസ് ആരംഭിക്കുന്ന 71ാമത്തെ ആഭ്യന്തര നഗരമാണ് കാൺപുർ.
കാൺപുരിന് പുറമെ മധ്യപ്രദേശിലെ ഇന്ദോറിൽനിന്നും ഇൻഡിഗോ പുതിയ റൂട്ടുകളിൽ സർവിസ് ആരംഭിച്ചിട്ടുണ്ട്. അല്ലഹബാദ്, ജോദ്പുർ, സൂറത്ത് എന്നിവിടങ്ങളിലേക്കാണ് സർവിസ്. പുതിയ വ്യോമയാന പാത സാമ്പത്തിക-വ്യാപാര മേഖലക്ക് സഹായകരമാകുമെന്ന് ഇൻഡിഗോ എയർലൈൻസ് ചീഫ് സ്റ്റാറ്റർജി ഓഫിസർ സഞ്ജയ് കുമാർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.