നേമം: കരമന-കളിയിക്കവിള ദേശീയ പാതയില് പാരൂര്കുഴി പെട്രോള് പമ്പിന് സമീപം വാഹനാപകടത്തില് പരിക്കേറ്റുകിടന്ന യുവാവ് മരിച്ചു. കാഞ്ഞിരംകുളം മരപ്പാലം മണ്ണയ്ക്കല് തുഷാര ഭവനില് രാജേഷ് (39) ആണ് മരിച്ചത്.
സംഭവ സ്ഥലത്തുനിന്നും രാജേഷ് സഞ്ചരിച്ച സ്കൂട്ടര് കണ്ടെത്തി. അജ്ഞാത വാഹനം ഇടിച്ചിട്ടതാണോ മഴയില് നിയന്ത്രണം വിട്ട് സ്കൂട്ടർ മറിഞ്ഞതാണോ എന്നത് വ്യക്തമല്ലെന്ന് പൊലീസ് അറിയിച്ചു.
ചൊവ്വാഴ്ച രാത്രി എട്ടുമണിയോടെ പാരൂര്കുഴി പെട്രോള് പമ്പിന് സമീപം പരിക്കേറ്റ നിലയില് കണ്ടെത്തിയ രാജേഷിനെ നാട്ടുകാരാണ് ആശുപത്രിയിലെത്തിച്ചത്. മെഡിക്കല് കോളജ് ആശുപത്രിയില് എത്തിയപ്പോഴേക്കും മരിച്ചു. നരുവാമൂട് പൊലീസ് കേസെടുത്തു.
ഭാര്യ: ചിഞ്ചുമോള്. മക്കള്: അനാമിക, അഭിനന്ദ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.