പൊലീസിനെക്കണ്ട് ഭയന്നോടിയയാൾ മരിച്ച സംഭവം: അസ്വാഭാവിക മരണത്തിന് കേസെടുത്തു

തി​രു​വ​ല്ല: ശീ​ട്ടു​ക​ളി പി​ടി​ക്കാ​ൻ എ​ത്തി​യ പൊ​ലീ​സി​നെ​ക്ക​ണ്ട് ഭ​യ​ന്നോ​ടി​യ ആ​ൾ സ​മീ​പ​ത്തെ പു​ര​യി​ട​ത്തി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ പ​ത്ത​നം​തി​ട്ട പൊ​ലീ​സ് അ​സ്വാ​ഭാ​വി​ക മ​ര​ണ​ത്തി​ന് കേ​സെ​ടു​ത്തു. പ​ത്ത​നം​തി​ട്ട കൈ​പ്പ​ട്ടൂ​ർ വെ​ള്ള​പ്പാ​റ പാ​ല​നി​ൽ​ക്കു​ന്ന​തി​ൽ പി.​സി. വി​നോ​ദി​നെ​യാ​ണ് (43) മ​രി​ച്ച​നി​ല​യി​ൽ ക​ണ്ടെ​ത്തി​യ​ത്.

ഞാ​യ​റാ​ഴ്ച ഉ​ച്ച​യോ​ടെ ന​രി​യാ​പു​ര​ത്ത് ശീ​ട്ടു​ക​ളി സം​ഘ​ത്തെ പി​ടി​ക്കാ​ൻ പൊ​ലീ​സ് എ​ത്തി​യ​പ്പോ​ൾ അ​വ​ർ ഓ​ടാ​ൻ ശ്ര​മി​ച്ചു. പി​ടി​യി​ലാ​യ ര​ണ്ടു​പേ​രു​മാ​യി പൊ​ലീ​സ് മ​ട​ങ്ങി​യ​ശേ​ഷ​മാ​ണ് വി​നോ​ദി​നെ വീ​ണു​കി​ട​ക്കു​ന്ന നി​ല​യി​ൽ പു​ര​യി​ട​ത്തി​ൽ ക​ണ്ടെ​ത്തി​യ​ത്. തു​ട​ർ​ന്ന് നാ​ട്ടു​കാ​ർ പ​ത്ത​നം​തി​ട്ട​യി​ലെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും മ​രി​ച്ചു.

ഓ​ടി​യ​വ​രു​ടെ കൂ​ട്ട​ത്തി​ൽ വി​നോ​ദ് ഇ​ല്ലെ​ന്നാ​യി​രു​ന്നു പൊ​ലീ​സ് നി​ല​പാ​ട്. എ​ന്നാ​ൽ, പി​ടി​യി​ലാ​യ​വ​രു​ടെ മൊ​ഴി​യു​ടെ​യും നാ​ട്ടു​കാ​രു​ടെ പ​രാ​തി​യു​ടെ​യും അ​ടി​സ്ഥാ​ന​ത്തി​ലാ​ണ് അ​സ്വാ​ഭാ​വി​ക മ​ര​ണ​ത്തി​ന് കേ​സെ​ടു​ത്ത​ത്. വി​നോ​ദി​െൻറ മൃ​ത​ദേ​ഹം കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ.