ഭർത്താവിനെ കൊന്ന ഭാര്യ കുടുംബ പെൻഷന്​ അർഹ -പഞ്ചാബ്​ കോടതി

ചണ്ഡിഗഢ്​: ഭർത്താവിനെ കൊന്നാൽപോലും ആ സ്​ത്രീക്ക്​ കുടുംബ പെൻഷന്​ അവകാശമുണ്ടെന്ന ശ്രദ്ധേയ വിധി പുറപ്പെടുവിച്ച്​ പഞ്ചാണ്​- ഹരിയാന കോടതി. സർക്കാർ ജീവനക്കാരൻ മരണമടഞ്ഞാൽ അയാളുടെ കുടുംബത്തിനുള്ള സാമ്പത്തിക സഹായം എന്ന നിലയിലുള്ള ക്ഷേമപദ്ധതിയാണ്​ കുടുംബ പെൻഷൻ എന്നും ഇത്​ ക്രിമിനൽ കേസിൽ ശിക്ഷിക്കപ്പെട്ടാൽ പോലും ഭാര്യക്ക്​ അർഹതപ്പെട്ടതാണെന്നും ജനുവരി 25ന്​ പരിഗണിച്ച കേസിൽ കോടതി നിരീക്ഷിച്ചു.

ഹരിയാന സർക്കാർ ജീവനക്കാരൻ ആയിരുന്ന ഭർത്താവ്​ തർസേം സിങ്​ 2008ൽ മരണപ്പെടുകയും പിന്നീട്​ ഭാര്യ ബൽജീത്​ കൗറിനെതിരെ കൊലക്കേസ്​ ചുമത്തി​ 2011ൽ ശിക്ഷിക്കുകയും ചെയ്​തു. ഇതോടെ അതുവരെ നൽകിയിരുന്ന കുടുംബ പെൻഷൻ ഹരിയാന സർക്കാർ നിർത്തലാക്കി. ഇതിനെതിരെ കൗർ നൽകിയ ഹരജി പരിഗണിച്ച്​ പഞ്ചാബ്​- ഹരിയാന കോടതി സർക്കാറി​െൻറ തീരുമാനം റദ്ദ്​ ചെയ്യുകയായിരുന്നു. ​

കുടിശ്ശികയടക്കം രണ്ട്​ മാസത്തിനകം പെൻഷൻ പുന:സ്​ഥാപിക്കണമെന്ന്​ ബന്ധപ്പെട്ട വകുപ്പിനോട്​ കോടതി ഉത്തരവിട്ടു. 1972ലെ സി.സി.എസ്​ പെൻഷൻ റൂൾ അനുസരിച്ച്​ വിധവകൾക്ക്​ കുടുംബ പെൻഷന്​ അർഹതയുണ്ടെന്ന്​ കോടതി ചൂണ്ടിക്കാട്ടി. വിധവ സർക്കാർ ​ഉദ്യോഗസ്​ഥ ആണെങ്കിലും പുന:ർവിവാഹിത ആയാലും ഈ അവകാശം നിഷേധിക്കാൻ പാടില്ലെന്നും കോടതി പറഞ്ഞു.