കോഴിക്കോട്: അധ്യാപകർ കുഞ്ഞുമനസ്സുകളിലുണ്ടാക്കുന്ന സ്വാധീനത്തിെൻറ ഉത്തമ ഉദാഹരണമാണ് ഈ കൊച്ചുമിടുക്കി. പേര് വേദിക. കോഴിക്കോട് ജില്ലയിലെ പയമ്പ്രയ ജി.എച്ച്.എസ്.എസ്ലെ ഒന്നാംക്ലാസുകാരിയാണിവൾ.
ഓൺലൈനിലൂടെ മനം കവർന്ന പ്രിയ അധ്യാപകരുടെ ക്ലാസെടുപ്പ് രീതിയെ അതേപടി അനുകരിച്ച് സമൂഹമാധ്യമങ്ങളിൽ വൈറലായിരിക്കുകയാണ് ഈ കൊച്ചുമിടുക്കി. ‘ഞാൻ വേദിക േചച്ചി’ എന്ന് സ്വയം പരിചയപ്പെടുത്തി ആരംഭിക്കുന്ന വിഡിയോയിൽ പ്രീപ്രൈമറി വിദ്യാർഥികൾക്കായാണ് മിടുക്കി ‘ക്ലാസെടുക്കു’ന്നത്.
" കുട്ടികൾ പഠിക്കുകയല്ല , പിടിച്ചെടുക്കുകയാണ്" എന്ന അടിക്കുറിപ്പോടെ അമ്മ ജിഷ്നയാണ് വിഡിയോ ഫേസ്ബുക്കിൽ പങ്കുവെച്ചത്. സംസാരശൈലികൊണ്ടും ഭാവങ്ങൾകൊണ്ടും ഹൃദ്യമായ വിഡിയോ 14000ത്തിലേറെ പേരാണ് ഇതുവരെ ഷെയർ ചെയ്തിരിക്കുന്നത്. ജിഷ്ന വേദിക പഠിക്കുന്ന സ്കൂളിലെത്തന്നെ അധ്യാപികയാണ്. അച്ഛൻ സന്തോഷ് എക്സൈസ് ഡിപ്പാർട്മെൻറിലെ ഉദ്യോഗസ്ഥനാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.