പി​ഞ്ചു​ബാ​ലി​ക​യെ കൊ​ല​പ്പെ​ടു​ത്തി കെ​ട്ടി​ത്തൂ​ക്കി​യ സംഭവം; അട്ടിമറിസംശയം, വിധിയിൽ നടുങ്ങി നാട്ടുകാർ

കു​മ​ളി: പി​ഞ്ചു​ബാ​ലി​ക​യെ കൊ​ല​പ്പെ​ടു​ത്തി കെ​ട്ടി​ത്തൂ​ക്കി​യ വ​ണ്ടി​പ്പെ​രി​യാ​ർ സം​ഭ​വ​ത്തി​ൽ ക​ട്ട​പ്പ​ന അ​തി​വേ​ഗ പ്ര​ത്യേ​ക കോ​ട​തി വി​ധി​കേ​ട്ട് ന​ടു​ങ്ങി നാ​ട്ടു​കാ​ർ. കേ​സി​ൽ അ​റ​സ്റ്റി​ലാ​യ അ​ർ​ജു​നെ (24) വെ​റു​തെ​വി​ട്ട കോ​ട​തി വി​ധി​യാ​ണ് നാ​ട്ടു​കാ​രി​ൽ ന​ടു​ക്ക​വും നി​രാ​ശ​യും സൃ​ഷ്ടി​ച്ച​ത്. 2021 ജൂ​ൺ 30നാ​ണ് വ​ണ്ടി​പ്പെ​രി​യാ​ർ ചു​ര​ക്കു​ളം എ​സ്റ്റേ​റ്റ് ല​യ​ത്തി​ൽ ആ​റു​വ​യ​സ്സു​കാ​രി​യെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ല​യ​ത്തി​ലെ കി​ട​പ്പു​മു​റി​യി​ൽ വാ​ഴ​ക്കു​ല തൂ​ക്കാ​ൻ കെ​ട്ടി​യ ക​യ​റി​ൽ ഷാ​ൾ കു​രു​ങ്ങി​യ നി​ല​യി​ലാ​യി​രു​ന്നു കു​ട്ടി​യു​ടെ മൃ​ത​ദേ​ഹം. മു​റി​ക്കു​ള്ളി​ൽ ക​ളി​ക്കു​ന്ന​തി​നി​ടെ ഷാ​ൾ ക​യ​റി​ൽ കു​രു​ങ്ങി കു​ട്ടി മ​രി​ച്ച​താ​വാ​മെ​ന്ന​താ​യി​രു​ന്നു ആ​ദ്യ നി​ഗ​മ​നം. മൃ​ത​ദേ​ഹം ഇ​ടു​ക്കി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പോ​സ്റ്റ്മോ​ർ​ട്ട​ത്തി​നി​ടെ​യാ​ണ്​ കു​ട്ടി​യെ പ്ര​കൃ​തി​വി​രു​ദ്ധ ലൈം​ഗി​ക പീ​ഡ​ന​ങ്ങ​ൾ​ക്കി​ര​യാ​ക്കി​യി​രു​ന്ന​താ​യി ക​ണ്ടെ​ത്തി​യ​ത്.

ജി​ല്ല​യി​ലെ സ്പെ​ഷ​ൽ ബ്രാ​ഞ്ച് ഡി​വൈ.​എ​സ്.​പി​യു​ടെ കൂ​ടെ മേ​ൽ​നോ​ട്ട​ത്തി​ലാ​യി​രു​ന്നു വി​ശ​ദ​മാ​യ പോ​സ്റ്റ്മോ​ർ​ട്ടം ന​ട​പ​ടി​ക​ൾ. കു​ട്ടി​യു​ടെ മ​ര​ണം കൊ​ല​പാ​ത​ക​മാ​ണെ​ന്ന സം​ശ​യം ഉ​യ​ർ​ന്ന​തോ​ടെ വ​ണ്ടി​പ്പെ​രി​യാ​ർ ഇ​ൻ​സ്പെ​ക്ട​ർ ടി.​ഡി. സു​നി​ൽ​കു​മാ​റി​ന്‍റെ നേ​തൃ​ത്വ​ത്തി​ൽ പ്ര​ത്യേ​ക സം​ഘ​മാ​ണ് കേ​സ് അ​ന്വേ​ഷി​ച്ച​ത്. ദി​വ​സ​ങ്ങ​ൾ​ക്കു​ള്ളി​ൽ ല​യ​ത്തി​ലെ താ​മ​സ​ക്കാ​ര​നാ​യ അ​ർ​ജു​നെ അ​റ​സ്റ്റ് ചെ​യ്തു. കു​ട്ടി​യെ ഇ​യാ​ൾ പ​ല​ത​വ​ണ ലൈം​ഗി​ക​മാ​യി പീ​ഡി​പ്പി​ക്കു​ക​യും സം​ഭ​വ​ദി​വ​സം പീ​ഡ​ന​ത്തി​നി​ടെ ബോ​ധ​ര​ഹി​ത​യാ​യ കു​ട്ടി മ​രി​ച്ചെ​ന്നു​ക​രു​തി ഷാ​ളി​ൽ തൂ​ക്കി ക​യ​റി​ൽ കു​ടു​ക്കി കൊ​ല​പ്പെ​ടു​ത്തു​ക​യു​മാ​യി​രു​ന്നു എ​ന്നാ​ണ്​ പൊ​ലീ​സ്​ ക​ണ്ടെ​ത്തി​യ​ത്.

ഷാ​ൾ ക​ഴു​ത്തി​ലി​ട്ട് വ​ലി​ച്ചു മു​റു​ക്കു​ന്ന​തി​നി​ടെ കു​ട്ടി ക​ണ്ണ് തു​റ​ന്ന​താ​യും ഷാ​ൾ വ​ലി​ച്ചു​മു​റു​ക്കി കൊ​ല്ല​പ്പെ​ട്ടെ​ന്ന്​ ഉ​റ​പ്പു​വ​രു​ത്തി​യ ശേ​ഷം മു​റി​യി​ലെ ജ​ന​ൽ​വ​ഴി പു​റ​ത്തി​റ​ങ്ങി പ്ര​തി ക​ട​ന്നു​ക​ള​യു​ക​യാ​യി​രു​ന്നു.

അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി മ​രി​ച്ച ബാ​ലി​ക​യു​ടെ ഭാ​രം ക​ണ​ക്കാ​ക്കി 18.5 കി​ലോ ഭാ​ര​വും 112 സെ.​മീ. ഉ​യ​ര​വു​മു​ള്ള ഡ​മ്മി സ്ഥ​ല​ത്തെ​ത്തി​ച്ച് പൊ​ലീ​സ് തെ​ളി​വെ​ടു​ത്തി​രു​ന്നു.

ദൃ​ശ്യ​മാ​ധ്യ​മ​ങ്ങ​ളു​ടെ സാ​ന്നി​ധ്യ​ത്തി​ൽ വീ​ട്ടി​ലെ അ​ല​മാ​ര തു​റ​ന്ന് ഷാ​ൾ എ​ടു​ത്ത​തും കൊ​ല​പാ​ത​കം ന​ട​ത്തി​യ​ശേ​ഷം ജ​ന​ലി​ലൂ​ടെ പു​റ​ത്തി​റ​ങ്ങി​യ​തും പ്ര​തി കാ​ണി​ച്ച​തോ​ടെ പ​ര​മാ​വ​ധി തെ​ളി​വു​ക​ൾ ശേ​ഖ​രി​ക്കു​ന്ന ജോ​ലി​യി​ലാ​യി പൊ​ലീ​സ്.പ്ര​തി കു​ട്ടി​ക്ക് പ​തി​വാ​യി ചോ​ക്ലേ​റ്റ് വാ​ങ്ങി ന​ൽ​കി​യി​രു​ന്ന വ​ണ്ടി​പ്പെ​രി​യാ​ർ ടൗ​ണി​ലെ ക​ട​യു​ട​മ ഉ​ൾ​പ്പെ​ടെ 48 സാ​ക്ഷി​ക​ളെ​യും 68ല​ധി​കം രേ​ഖ​ക​ളും കോ​ട​തി​യി​ൽ സ​മ​ർ​പ്പി​ച്ചി​ട്ടും കേ​സി​ൽ ന​ട​ന്ന അ​ട്ടി​മ​റി അ​ന്വേ​ഷ​ണ സം​ഘ​ത്തെ​യും ഞെ​ട്ടി​ച്ച​താ​യാ​ണ് വി​വ​രം.

ചുടുകട്ടയുമായി പാഞ്ഞടുത്ത്​ മുത്തശ്ശി

ക​ട്ട​പ്പ​ന: പ്ര​തി​യെ വെ​റു​തെ വി​ട്ട വി​ധി കേ​ട്ട്​ കൊ​ല്ല​പ്പെ​ട്ട കു​ട്ടി​യു​ടെ അ​മ്മ നി​ല​വി​ളി​ക്കു​ന്ന​തി​നി​ടെ കു​ട്ടി​യു​ടെ മു​ത്ത​ശ്ശി പ്ര​തി​യെ ആ​ക്ര​മി​ക്കാ​ൻ ചു​ടു​ക​ട്ട​യു​മാ​യി പാ​ഞ്ഞ​ടു​ത്തു. കോ​ട​തി​യു​ടെ ര​ണ്ടാം നി​ല​യി​ൽ​നി​ന്ന് നെ​ഞ്ച​ത്തി​ടി​ച്ച്​ അ​വ​ർ വി​ല​പി​ച്ചു. തു​ട​ർ​ന്ന് പ​ടി​ക്കെ​ട്ടി​റ​ങ്ങി ഓ​ടി പു​റ​ത്തു​വ​ന്ന അ​വ​ർ കോ​ട​തി വ​ള​പ്പി​ൽ കി​ട​ന്ന ചു​ടു​ക​ട്ട എ​ടു​ത്ത്​ പ്ര​തി​യെ ആ​ക്ര​മി​ക്കാ​ൻ വീ​ണ്ടും ര​ണ്ടാം നി​ല​യി​ലേ​ക്ക് പോ​കാ​നൊ​രു​ങ്ങി. ഇ​വ​രു​ടെ നീ​ക്കം ശ്ര​ദ്ധി​ച്ച വ​നി​ത പൊ​ലീ​സ്​ ചു​ടു​ക​ട്ട പി​ടി​ച്ചു​വാ​ങ്ങു​ക​യാ​യി​രു​ന്നു.

ആ​ക്രോ​ശി​ച്ച​ടു​ത്ത ജ​ന​ങ്ങ​ളി​ൽ​നി​ന്ന്​ പ്ര​തി​യെ ഏ​റെ പ​ണി​പ്പെ​ട്ടാ​ണ്​ പൊ​ലീ​സ്​ ജീ​പ്പി​ൽ ക​യ​റ്റി​യ​ത്. ഇ​തോ​ടെ ജീ​പ്പ് ത​ട​ഞ്ഞ ബ​ന്ധു​ക്ക​ൾ വാ​ഹ​ന​ത്തി​ന്‍റെ ചി​ല്ലി​ൽ ശ​ക്ത​മാ​യി ഇ​ടി​ച്ചും അ​ടി​ച്ചും രോ​ഷം പ്ര​ക​ടി​പ്പി​ച്ചു. ആ​ളു​ക​ളെ മാ​റ്റി ഒ​രു വി​ധ​ത്തി​ലാ​ണ് പൊ​ലീ​സ് പ്ര​തി​യെ സ്ഥ​ല​ത്തു​നി​ന്ന് മാ​റ്റി പീ​രു​മേ​ട് കോ​ട​തി​യി​ലേ​ക്ക് കൊ​ണ്ടു​പോ​യ​ത്.