തൃപ്​തി ദേശായി ശബരിമല ദർശനത്തിനെത്തുന്നു

തിരുവനന്തപുരം: മണ്ഡലകാല പൂജക്കായി നവംബർ 16ന്​ ശബരിമല നട തുറക്കു​േമ്പാൾ ദർശനത്തിന്​ എത്തുമെന്ന്​ ഭൂമാതാ ബ്രിഗേഡ്​ നേതാവ്​ തൃപ്​തി ​േദശായി.

നവംബർ 17ന്​​ ശബരിമലയിലെത്തി ദർശനം നടത്താനാണ്​ തീരുമാനം. ദർശനത്തിന്​ സു​രക്ഷ ഒരുക്കണമെന്ന്​ ആവശ്യപ്പെട്ട്​ മുഖ്യമന്ത്രി പിണറായി വിജയനും ഡി.ജി.പി ലോക്​ നാഥ്​ ബെഹ്​റക്കും കത്ത്​ നൽകിയിട്ടുണ്ട്​. നവംബർ 16ന്​ കേരളത്തി​ലേക്ക്​ വരും. 17ന്​ ശബരിമല ദർശനം നടത്തും. മല ചവിട്ടാതെ തിരികെ പോകില്ല. കേരളത്തിലേക്ക്​ കടക്കുന്ന സമയം മുതൽ കേരളം വിടുന്നതു വരെ സുരക്ഷ നൽകണമെന്നുമാണ്​ തൃപ്​തി ആവശ്യപ്പെട്ടിട്ടുള്ളത്​.

തങ്ങൾ കേരളത്തിലേക്ക്​ കടക്കരുതെന്നും കടന്നാൽ ഫലം അനുഭവിക്കേണ്ടി വരുമെന്നും ശബരിമലയിൽ കയറിയാൽ ആത്​മഹത്യ ചെയ്യുമെന്നുമെല്ലാം ഭീഷണിക്കത്തുകൾ ലഭിച്ചിട്ടുണ്ട്​. അതിനാലാണ്​ പൊലീസ്​ സംരക്ഷണം ആവശ്യ​െപ്പട്ടത്​. കത്തി​​​​​​െൻറ പകർപ്പ്​ പ്രധാനമന്ത്രി നരേന്ദ്ര മോദിക്കും മഹാരാഷ്​ട്ര മുഖ്യമന്ത്രി ദേവേന്ദ്ര ഫട്​നാവിസിനും അയച്ചിട്ടുണ്ടെന്നും തൃപ്​തി ദേശായി പറഞ്ഞു.

തങ്ങൾക്ക്​ മുമ്പ്​ നിരവധി സ്​ത്രീകൾ ശബരിമല ദർശനത്തിന്​ ശ്രമിച്ച്​ പരാജയ​െപ്പട്ടു. അവർക്കൊന്നും വേണ്ടത്ര പൊലീസ്​ സംരക്ഷണം ലഭിച്ചിരുന്നില്ല. തങ്ങൾക്ക്​ സുഗമമായ ദർശനത്തിന്​ ആവും വിധം പൊലീസ്​ സംരക്ഷണം ഒരുക്കണമെന്ന്​ കേരള സർക്കാറിനോട്​ അപേക്ഷിക്കുകയാണെന്നും തൃപ്​തി ദേശായി പറഞ്ഞു.

തൃപ്​തി ദേശായിക്കൊപ്പം ആറ്​​​ യുവതികളുമുണ്ടെന്നാണ്​ റിപ്പോർട്ട്​. നേരത്തെ ഇവർ സ്​ത്രീകൾക്ക്​ പ്രവേശനം നിഷേധിച്ച ശനിഷിങ്​നാപൂർ ക്ഷേത്രത്തിൽ പ്രവേശിച്ച്​ ചരിത്രം സൃഷ്​ടിച്ചിരുന്നു.