തിരുവനന്തപുരം: സംസ്ഥാനത്ത് വോട്ടുയന്ത്രങ്ങൾ തകരാറിലായത് മഴ, ഇടിമിന്നൽ തുടങ്ങിയവ മൂലമാണെന്ന് മുഖ്യ തെരഞ്ഞ െടുപ്പ് ഓഫിസര്‍ ടികാറാം മീണ. അന്തരീക്ഷത്തില്‍ ഈര്‍പ്പം കൂടിയാല്‍ വോട്ടുയന്ത്രങ്ങൾക്ക് തകരാര്‍ സംഭവിക്കാൻ സാധ്യത വളരെയേറെയാണ്. ഇത്തരമൊരവസ്ഥ തങ്ങൾ പ്രതീക്ഷിച്ചതാണെന്നും മീണ മാധ്യമങ്ങളോട് പറഞ്ഞു.
തിങ്കളാഴ്ച രാത്രി മുതല്‍ സംസ്ഥാനത്ത് പലയിടത്തും ശക്തമായ മഴയാണ് പെയ്തത്. അതേസമയം, വ്യാപകമായി വോട്ടുയന്ത്രം തകരാറിലായിട്ടുണ്ടെന്ന മുഖ്യമന്ത്രിയുടെ പ്രസ്താവനയെക്കുറിച്ച് അറിയില്ലെന്നും തകരാര്‍ സംഭവിച്ചത് ചിലയിടങ്ങളില്‍ മാത്രമാണെന്നും അദ്ദേഹം സൂചിപ്പിച്ചു. പരാതിയുള്ള സ്ഥലങ്ങളിലെ കലക്ടര്‍മാര്‍ പ്രശ്നം പരിഹരിക്കാന്‍ ഇടപെട്ടിട്ടുണ്ട്.
പ്രത്യേക അജണ്ടെവച്ച് രാഷ്ട്രീയക്കാര്‍ നടത്തുന്ന പ്രചാരണങ്ങളില്‍ ജനങ്ങള്‍ പരിഭ്രമിക്കേണ്ട കാര്യമില്ല. യന്ത്രത്തകരാർ സംബന്ധിച്ച് വലിയ തോതിൽ പരാതിയില്ല. പരാതികൾ കലക്ടർമാർ ഇടപെട്ട് പരിഹരിച്ചിട്ടുണ്ടെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.