‘അച്​ഛ തല്ലി, പപ്പി വീണു, ചോര ഞാനാ തുടച്ചേ’

തൊടുപുഴ: ‘അച്​ഛ തല്ലി, പപ്പി വീണു, പിന്നെ തലക്കടിച്ചു, കണ്ണിലിടിച്ചു, ചോര ഞാനാ തുടച്ചേ...’ ക്രൂരമർദനത്തെക്കുറ ിച്ച്​ ​ആശുപത്രിയിൽ കഴിയുന്ന കുട്ടിയുടെ നാലു വയസ്സുകാരനായ സഹോദരൻ ചൈൽഡ്​ വെൽഫെയർ കമ്മിറ്റിയോട്​ നടത്തിയ ഇൗ നിർണായക മൊഴി കേട്ട്​ ഉദ്യോഗസ്ഥരടക്കം ഞെട്ടി​. ഇൗ വിവരങ്ങളാണ്​ പെ​െട്ടന്നുതന്നെ പ്രതി അരുൺ ആനന്ദിലേക്ക്​ പെ ാലീസിനെ എത്തിച്ചത്​.

കുട്ടിയെ അരുൺ മർദിക്കു​േമ്പാഴെല്ലാം കരഞ്ഞ്​ നിലവിളിച്ച്​ നാല്​ വയസ്സുകാരനും മുറി യിലുണ്ടായിരുന്നു. മർദനശേഷം മുറി പുറത്തുനിന്ന്​ അടച്ചിട്ടാണ്​ മൂത്ത കുട്ടിയുമായി ഇവർ ആശുപത്രിയിലേക്ക്​ പോകുന്നത്​. ആശുപത്രിയിൽ നൽകിയ വിവരങ്ങളിലെ വൈരുദ്ധ്യത്തിലാണ്​ അരുണിനെ പൊലീസ്​ നിരീക്ഷിച്ചത്​. ഒരു കുട്ടികൂടി വീട്ടിലുണ്ടെന്ന്​ മനസ്സിലാക്കി ഇവർ അന്വേഷണം ആരംഭിച്ചു. ഇളയ കുട്ടി വീട്ടിൽ തനിച്ചാണെന്ന്​ മനസ്സിലാക്കിയ ഉടൻ അയൽവാസികളെ​ ബന്ധപ്പെട്ട്​ കുട്ടിയെ വീട്ടിൽനിന്ന്​ മാറ്റാൻ പൊലീസ്​ നിർദേശം നൽകി. അയൽവാസി വന്നുനോക്കു​േമ്പാൾ കണ്ട കാഴ്​ച മുറിയിലെ സോഫയിൽ നാല്​ വയസ്സുകാരൻ മയങ്ങിക്കിടക്കുന്നതാണ്​​. വിളിച്ചുണർത്തിയവരോട്​ കുട്ടി ‘അച്​ഛ ചവിട്ടി, ചോര വന്നു’ എന്ന്​ പിറുപിറുക്കുന്നുണ്ടായിരുന്നു​. മുറിയിലെ ഭിത്തിയിലും കൈവരികളിലും രക്തക്കറകളും ഇവർ കണ്ടു.

കുട്ടിയെ അയൽവാസി സ്വന്തം വീട്ടിലേക്ക്​ മാറ്റി. ഇൗ സമയം ജില്ല ചൈൽഡ്​ പ്രൊട്ടക്​ഷൻ യൂനിറ്റും കുട്ടിയുടെ അമ്മൂമ്മയും പൊലീസും എത്തി. കുട്ടിയിൽനിന്ന്​ വിവരങ്ങൾ തേടിയതിൽനിന്ന്​ ഞെട്ടിക്കുന്ന വിവരങ്ങളാണ്​ പുറത്ത്​ വന്നത്​. അച്​ഛയെ പേടിയാണെന്ന്​ ഇവരോട്​ ഇളയ കുട്ടി പറഞ്ഞു. കുട്ടിയുടെ തുട, കാൽവിരൽ, പല്ലുകൾ എന്നിവിടങ്ങളിലും പരിക്കേറ്റിട്ടുണ്ടെന്ന്​ ശിശുക്ഷേമ സമിതി അധികൃതർ കണ്ടെത്തിയിട്ടുണ്ട്​​. ആശുപത്രിയിൽ എത്തിച്ച ശേഷം കുട്ടിയെ അമ്മൂമ്മയു​െട സംരക്ഷണയിലേക്ക്​ മാറ്റി.

ആശുപത്രിയിൽ നടന്ന പരിശോധനയിൽ കുട്ടിയ​ുടെ ജനനേന്ദ്രിയത്തിലും പരിക്കേറ്റിട്ടുള്ളതായി കണ്ടെത്തി. കുട്ടികൾക്കു നേരെ ഇയാൾ മുമ്പും ആക്രമണം നടത്തിയിരുന്നതായാണ്​ കുട്ടിയോട്​ സംസാരിച്ച ഉദ്യോഗസ്ഥർ പറഞ്ഞത്​. വെള്ളിയാഴ്​ച ഫോറൻസിക്​ അധികൃതർ കുമാരമംഗലത്തെ വീട്ടിലും കുട്ടിയെ ആശുപത്രിയിലെത്തിച്ച കാറിലും നടത്തിയ പരിശോധനയിൽ പുതിയൊരു മഴുവും മദ്യക്കുപ്പിയും കണ്ടെത്തിയിട്ടുണ്ട്​. ഇതുസംബന്ധിച്ച്​ വിശദമായ അന്വേഷണം നടന്നുവരുകയാണെന്നും തൊടുപുഴ ഡിവൈ.എസ്​.പി പറഞ്ഞു.