മരണമണ്ണിൽ ഇനി ഓർമകൾ മാത്രം

ത​ക​ർ​ന്നു ത​രി​പ്പ​ണ​മാ​യ വീ​ടു​ക​ളു​ടെ​യും തോ​ട്ടം തൊ​ഴി​ലാ​ളി​ക​ൾ താ​മ​സി​ച്ച പാ​ടി​ക​ളു​ടെ​യും അ​വ​ശി​ഷ്ട​ങ്ങ​ൾ​ക്ക​ടി​യി​ൽ ജീ​വ​നുണ്ടോയെന്ന് തി​ര​യു​ക​യാ​ണി​പ്പോ​ഴും

മു​ണ്ട​ക്കൈ (വ​യ​നാ​ട്): പ​ച്ച​വി​രി​ച്ച് പ്ര​താ​പ​ത്തോ​ടെ നി​ന്ന മു​ണ്ട​ക്കൈ, ചൂ​ര​ൽ​മ​ല, പു​ഞ്ചി​രി​മ​ട്ടം ഗ്രാ​മ​ങ്ങ​ൾ മ​ര​ണ മ​ണ്ണാ​യ​തോ​ടെ ബാ​ക്കി​യാ​യ​ത് ഒ​രു പി​ടി​യാ​ളു​ക​ളെ കു​റി​ച്ചു​ള്ള ന​ല്ല ഓ​ർ​മ​ക​ൾ മാ​ത്രം. ഒ​രാ​യു​സ്സ് കൊ​ണ്ട് അ​വ​ർ പ​ടു​ത്തു​യ​ർ​ത്തി​യ സ​മ്പാ​ദ്യ​ങ്ങ​ള​പ്പാ​ടെ മ​ല​വെ​ള്ളം ഒ​ഴു​ക്കിക്ക​ള​ഞ്ഞി​രി​ക്കു​ന്നു. കാ​രു​ണ്യം വ​റ്റാ​ത്ത നാ​ടി​ന്റെ നാ​നാ ഭാ​ഗ​ത്തു​ള്ള ര​ക്ഷാ​പ്ര​വ​ർ​ത്ത​ക​ർ​ക്കൊ​പ്പം സ​ർ​വ സ​ന്നാ​ഹ​ങ്ങ​ളു​മാ​യി സൈ​ന്യ​വും അ​തി​വേ​ഗം ദൗ​ത്യം നി​റ​വേ​റ്റു​ക​യാ​ണ്. ത​ക​ർ​ന്നു ത​രി​പ്പ​ണ​മാ​യ വീ​ടു​ക​ളു​ടെ​യും തോ​ട്ടം തൊ​ഴി​ലാ​ളി​ക​ൾ താ​മ​സി​ച്ച പാ​ടി​ക​ളു​ടെ​യും അ​വ​ശി​ഷ്ട​ങ്ങ​ൾ​ക്ക​ടി​യി​ൽ ജീ​വ​ന്റെ തു​ടി​പ്പു​ക​ളു​ണ്ടോ എ​ന്ന് തി​ര​യു​ക​യാ​ണി​പ്പോ​ഴും എ​ല്ലാ​വ​രും.

ക​ണ്ണി​ലൊ​തു​ങ്ങി​ല്ല ഈ ​ദു​ര​ന്ത കാ​ഴ്ച​ക​ൾ

ര​ണ്ടു​ക​ണ്ണി​ന്റെ കാ​ഴ്ച​യി​ലൊ​തു​ങ്ങി​ല്ല പു​ഞ്ചി​രി​മ​ട്ട​ത്തെ​യും മു​ണ്ട​ക്കൈ​യി​ലെ​യും ദു​ര​ന്ത ദൃ​ശ്യ​ങ്ങ​ൾ. ഹൃ​ദ​യ​ത്തെ പി​ള​ർ​ത്തു​ന്ന​താ​ണ് ഇ​വി​ട​ത്തെ കാ​ഴ്ച​ക​ൾ. യു​ദ്ധ​ഭൂ​മി​യി​ൽ പോ​ലും അ​വ​ശേ​ഷി​പ്പു​ക​ളും പാ​തി​ജീ​വ​നു​ക​ളും ക​ണ്ടേ​ക്കാം. ഇ​വി​ടെ അ​തൊ​ന്നു​മി​ല്ല. കു​ത്തി​യൊ​ലി​ച്ചു​വ​ന്ന മ​ല​വെ​ള്ളം എ​ല്ലാം ന​ക്കി​തു​ട​ച്ചെ​ടു​ത്തി​രി​ക്കു​ന്നു. പ്ര​കൃ​തി​യു​ടെ ഏ​റ്റ​വും വ​ലി​യ ക്രൂ​ര​ത​യു​ടെ നേ​ർ​ച്ചി​ത്ര​മാ​ണീ ദു​ര​ന്ത ഭൂ​മി.

പ്ര​കൃ​തി​യൊ​രു​ക്കി​യ കൂ​ട്ട കു​ഴി​മാ​ടം

പ്ര​കൃ​തി നൂ​റു​ക​ണ​ക്കി​നാ​ളു​ക​ളു​ടെ ജീ​വ​നെ​ടു​ക്കു​ക​യും ചേ​ത​ന​യ​റ്റ ആ ​ദേ​ഹ​ങ്ങ​ൾ​ക്ക് കൂ​ട്ട കു​ഴി​മാ​ട​മൊ​രു​ക്കു​ക​യും ചെ​യ്ത അ​വ​സ്ഥ​യാ​ണി​വി​ടെ. ഒ​രു വീ​ട്ടി​ൽ അ​ന്തി​യു​റ​ങ്ങി​യ അ​മ്മ​ക്കും അ​ച്ഛ​നും മ​ക്ക​ൾ​ക്കു​മെ​ല്ലാം അ​വി​ടെ ത​ന്നെ അ​ന്ത്യ​നി​ദ്ര​യൊ​രു​ക്കി​യെ​ന്നു പ​റ​യാം. പു​തു​ത​ല​മു​റ​യു​ടെ നാ​മ്പു​ക​ൾ പോ​ലും അ​വ​ശേ​ഷി​പ്പി​ക്കാ​തെ കു​ടും​ബ​ങ്ങ​ളു​ടെ ജീ​വ​ൻ ഒ​ന്നി​ച്ചെ​ടു​ക്കു​ന്ന അ​പൂ​ർ​വ ക്രൂ​ര​ത.

കാ​ണാ​നി​ല്ല, സീ​താ​മ്മ​കു​ണ്ട് വെ​ള്ള​ച്ചാ​ട്ടം

മു​ണ്ട​ക്കൈ അ​ങ്ങാ​ടി​ക്കു​സ​മീ​പം പു​ഴ​യി​ലാ​യി​രു​ന്നു മ​നോ​ഹ​ര​മാ​യ സീ​താ​മ്മ​കു​ണ്ട് വെ​ള്ള​ച്ചാ​ട്ടം. പ്ര​കൃ​തി​യു​ടെ സു​ന്ദ​ര വ​ര​ദാ​ന​മാ​യ​തി​നാ​ൽ പ്ര​ദേ​ശ​വാ​സി​ക​ളെ​ല്ലാം എ​ത്തി​യി​രു​ന്ന ഈ ​വെ​ള്ള​ച്ചാ​ട്ടം നി​ന്ന സ്ഥ​ലം ക​ണ്ടെ​ത്താ​ൻ ക​ഴി​യാ​ത്ത​വി​ധം ക​ല്ലും മ​ണ്ണും മ​ര​ങ്ങ​ളും നി​റ​ഞ്ഞു.

ത​ക​ര​പ്പാ​ട്ട പോ​ലെ വാ​ഹ​ന​ങ്ങ​ൾ

പു​ഞ്ചി​രി മ​ട്ടം, മു​ണ്ട​ക്കൈ, ചു​ര​ൽ​മ​ല മേ​ഖ​ല​ക​ളി​ലാ​യി നൂ​റി​ലേ​റെ വാ​ഹ​ന​ങ്ങ​ളാ​ണ് ച​തു​ങ്ങി​യ ത​ക​ര​പ്പാ​ട്ട പോ​ലെ പ​ല ഭാ​ഗ​ങ്ങ​ളി​ലാ​യി കി​ട​ക്കു​ന്ന​ത്. കാ​റു​ക​ൾ, ഓ​ട്ടോ​ക​ൾ, ജീ​പ്പു​ക​ൾ, ഇ​രു​ച​ക്ര വാ​ഹ​ന​ങ്ങ​ൾ എ​ന്നി​വ​യാ​ണ് ത​ക​ർ​ന്ന് ത​രി​പ്പ​ണ​മാ​യി കി​ട​ക്കു​ന്ന​ത്. പ​ല വാ​ഹ​ന​ങ്ങ​ളും അ​പ്പാ​ടെ ഒ​ഴു​കി പോ​യി​ട്ടു​മു​ണ്ട്.

സ​ർ​വ​നാ​ശം മൂ​ന്ന് വാ​ർ​ഡു​ക​ളി​ൽ

മേ​പ്പാ​ടി ഗ്രാ​മ​പ​ഞ്ചാ​യ​ത്തി​ന്റെ മൂ​ന്ന് വാ​ർ​ഡു​ക​ളി​ലാ​ണ് ഉ​രു​ൾ പൊ​ട്ട​ൽ സ​ർ​വ​നാ​ശം വി​ത​ച്ച​ത്. ഒ​മ്പ​താം വാ​ർ​ഡാ​യ മു​ണ്ട​ക്കൈ​യെ​യാ​ണ് ഉ​രു​ൾ പൂ​ർ​ണ​മാ​യി ത​ക​ർ​ത്ത​ത്. പ​ത്താം വാ​ർ​ഡാ​യ അ​ട്ട​മ​ല, 12ാം വാ​ർ​ഡാ​യ ചൂ​ര​ൽ മ​ല എ​ന്നി​വ​യി​ലും നാ​ശം വ​ലു​താ​ണെ​ങ്കി​ലും മു​ഴു​വ​ൻ പ്ര​ദേ​ശ​ങ്ങ​ളെ​യും ബാ​ധി​ച്ചി​ട്ടി​ല്ല.

എ​ങ്ങും ക​ല്ലും മ​ണ്ണും മ​ര​ങ്ങ​ളും മാ​ത്രം

സ​ർ​വ​നാ​ശ​ത്തി​ന്റെ അ​വ​ശേ​ഷി​പ്പാ​യി എ​ങ്ങു​മു​ള്ള​ത് കു​റ്റ​ൻ പാ​റ​ക്ക​ല്ലു​ക​ളും അ​ടി​ഞ്ഞു​കൂ​ടി​യ മ​ണ്ണും, ഒ​ഴു​കി​യെ​ത്തി​യ മ​ര​ത്ത​ടി​ക​ളും മാ​ത്ര​മാ​ണ്. ര​ണ്ടു നി​ല കെ​ട്ടി​ട​ത്തി​ന്റെ വ​ലു​പ്പ​മു​ള്ള പാ​റ​ക്ക​ല്ലു​ക​ള​ട​ക്ക​മാ​ണ് വ​ന​മേ​ഖ​ല​യി​ൽ നി​ന്ന് ഒ​ഴു​കി​യെ​ത്തി​യ​ത്. സ​മാ​ന​മാ​യ രീ​തി​യി​ൽ ത​ന്നെ മ​ര​ങ്ങ​ളും എ​ത്തി.