ചെങ്ങന്നൂർ (ആലപ്പുഴ): യുവതി സ്വന്തം വീട്ടിൽ നിന്നിറങ്ങി പമ്പാ നദിയിൽ ചാടി ആത്മഹത്യക്ക് ശ്രമിച്ചു. മാലക്കര സ്വദേശിനിയായ 26കാരിയാണ് ഞായറാഴ്ച പുലർച്ച ആറിന് ആറാട്ടുപുഴ പാലത്തിൽനിന്ന് ചാടിയത്. ഒന്നര കിലോമീറ്റർ അകലെ ഇടനാട് പാലത്തിന് സമീപമുള്ള പുറത്തോത്ത് കടവിൽ യുവതി മുങ്ങിത്താഴുന്നത് കണ്ട് സമീപ വാസികൾ നിലവിളിച്ചു.
ഇതുകേട്ട് ഓടിയെത്തിയ ഇടനാട് പുറത്തോത്ത് വീട്ടിൽ രാജഗോപാലൻ, മക്കളായ അജിത് രാജ്, അരുൺ രാജ് എന്നിവർ ചേർന്ന് യുവതിയെ രക്ഷപ്പെടുത്തുകയായിരുന്നു. ഒന്നര കിലോമീറ്ററോളം പടിഞ്ഞാറോട്ട് ഒഴുകിയെങ്കിലും കാര്യമായ പരിക്കൊന്നും ഉണ്ടായിരുന്നില്ല.
വാർഡ് കൗൺസിലറും നഗരസഭാ ആരോഗ്യകാര്യ സ്ഥിരംസമിതി ചെയർപേഴ്സനുമായ അർച്ചന കെ. ഗോപി വിവരം അറിയിച്ചതനുസരിച്ച് പൊലീസും ഫയർഫോഴ്സും സ്ഥലത്തെത്തി. പൊലീസ് മേൽനടപടി സ്വീകരിച്ചു.
മൂന്നു മാസം മുമ്പാണ് ഇവർ വിവാഹിതയായത്. മാലക്കരയിലെ സ്വന്തം വീട്ടിലായിരുന്ന യുവതി അവിടെനിന്ന് ആറാട്ടുപുഴയിൽ എത്തിയാണ് നദിയിൽ ചാടിയത്. ചോദ്യം ചെയ്ത ശേഷം വീട്ടുകാരോടൊപ്പം യുവതിയെ വിട്ടയച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.