മ​ങ്ക​യം​ മ​ല​വെ​ള്ള​പ്പാ​ച്ചിലി​​ൽ മരണം രണ്ടായി; കാണാതായ യുവതിയുടെ മൃതദേഹം കണ്ടെത്തി

തിരുവനന്തപുരം: പാ​ലോ​ട് ബ്രൈ​മൂ​ർ മ​ങ്ക​യ​ത്ത്​ മ​ല​വെ​ള്ള​പ്പാ​ച്ചി​ലി​ൽ കാണാതായ യുവതിയുടെ മൃതദേഹം കണ്ടെത്തി. നെടുമങ്ങാട് പു​ളി​ഞ്ചി സ്വ​ദേ​ശി ഷാനി (34) ആണ് മരിച്ചത്. രണ്ടര കിലോമീറ്റർ അകലെ മൂന്നാറ്റ് മുക്കിൽ നിന്നാണ് മൃതദേഹം കിട്ടിയത്.

ഷാ​നി​ക്കാ​യുള്ള തി​ര​ച്ചി​ൽ നാ​ട്ടു​കാ​രും പാ​ലോ​ട് പൊ​ലീ​സും വി​തു​ര​യി​ൽ ​നി​ന്നെ​ത്തി​യ അ​ഗ്നി​ര​ക്ഷ​സേ​ന​യും രാ​ത്രി വൈ​കി​യും തു​ട​ർന്നിരുന്നു. മൃതദേഹം പാലോടിലെ ആശുപത്രിയിലേക്ക് മാറ്റി. പോസ്റ്റ്മോർട്ടം തിരുവനന്തപുരം മെഡിക്കൽ കോളജിൽ നടക്കും. 

ഇതോടെ മ​ങ്ക​യം ദുരന്തത്തിൽ മരിച്ചവരുടെ എണ്ണം രണ്ടായി. ഷാനിയുടെ ബന്ധുവായ ആറു വയസുകാരിയായ ന​സ്രി​യ ഫാ​ത്തി​മയുടെ (​ആ​റ്) മൃതദേഹം കണ്ടെത്തിയിരുന്നു. നെ​ടു​മ​ങ്ങാ​ട് കു​റ​ക്കോ​ട് കു​ന്നും​പു​റ​ത്ത്​ സു​നാ​ജ് ഭ​വ​നി​ൽ സു​നാ​ജ്-​അ​ജ്മി ദ​മ്പ​തി​ക​ളു​ടെ മൂ​ത്ത മ​ക​ളാണ് ന​സ്രി​യ ഫാ​ത്തി​മ.

ഞാ​യ​റാ​ഴ്ച വൈ​കീ​ട്ടോ​ടെ​യാണ് നെ​ടു​മ​ങ്ങാ​ട്ട് ​നി​ന്ന്​ മ​ങ്ക​യ​ത്തെ​ത്തി​യ പ​ത്തം​ഗ സം​ഘം ആ​റ്റി​ൽ കു​ളി​ക്കു​ന്ന​തി​നി​ടെ മ​ല​വെ​ള്ള​പ്പാ​ച്ചി​ലി​ൽ പെ​ട്ട​ത്. മ​ങ്ക​യ​ത്തി​നു സ​മീ​പം വാ​ഴ​ത്തോ​പ്പ് ക​ട​വി​ലി​റ​ങ്ങി​യാ​ണ് സം​ഘം കു​ളി​ച്ച​ത്. ​അ​പ്ര​തീ​ക്ഷി​ത​മാ​യു​ണ്ടാ​യ മ​ല​വെ​ള്ള​പ്പാ​ച്ചി​ലി​ൽ കാ​ണാ​താ​യ കു​ട്ടി​യെ ഏ​റെ വൈ​കി സം​ഭ​വ സ്ഥ​ല​ത്തു​ നി​ന്ന്​ അ​ര​കി​ലോ​മീ​റ്റ​ർ അ​ക​ലെയാ​ണ് ക​ണ്ടെ​ത്തി​യ​ത്. ഉ​ട​ൻ നെ​ടു​മ​ങ്ങാ​ട് ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും മ​രി​ച്ചു.

സം​ഘ​ത്തി​ലെ ര​ണ്ടു കു​ട്ടി​ക​ൾ ഉ​ൾ​പ്പെ​ടെ എ​ട്ടു​ പേ​രാ​ണ് വെ​ള്ള​ത്തി​ൽ പെ​ട്ട​ത്. ഇ​തി​ൽ മ​റ്റൊ​രു കു​ട്ടി​യാ​യ ആ​മി​ന​യെ നേ​ര​ത്തേ ര​ക്ഷി​ച്ച്​ തി​രു​വ​ന​ന്ത​പു​രം എ​സ്.​എ.​ടി ആ​ശു​പ​ത്രി​യി​ൽ എ​ത്തി​ച്ചി​രു​ന്നു. സം​ഘ​ത്തി​ലെ ചി​ല​ർ സ്വ​യം​ ര​ക്ഷ​പ്പെ​ട്ട​പ്പോ​ൾ നാ​ലു​പേ​രെ നാ​ട്ടു​കാ​ർ ര​ക്ഷി​ക്കു​ക​യാ​യി​രു​ന്നു.