കേരള ക്വിയർ പ്രൈഡ് ട്രാൻസ് ആക്ടിവിസ്റ്റും അഭിനേതാവുമായ കൽക്കി സുബ്രമണ്യം ഉദ്ഘാടനം ചെയ്യുന്നു
മലപ്പുറം: വെറുപ്പിന്റെ രാഷ്ട്രീയത്തെ നേരിട്ട് തുല്യാവകാശം നേടിയെടുക്കുക എന്ന് ആഹ്വാനം ചെയ്ത് 12-ാമത് കേരള ക്വിയർ പ്രൈഡിന് തുടക്കമായി. കോട്ടക്കുന്ന് ആർട്ട് ഗാലറിയിൽ ചിത്രപ്രദർശനത്തോടെയാണ് പരിപാടികൾക്ക് തുടക്കമായത്.
പരിപാടി കൽകി സുബ്രമണ്യം ഉദ്ഘാടനം ചെയ്തു. തുടർന്ന് കോട്ടക്കുന്ന് കോ-ഓപ്പറേറ്റീവ് എംപ്ലോയീസ് ഹാളിൽ സൈബറിടങ്ങളും ക്വിയർ ജീവിതങ്ങളും, ഇന്റർ സെക്ഷണൽ ക്വിയർ, ക്വിയർ അതിജീവനങ്ങളും നിയമ വ്യവസ്ഥയും എന്നീ വിഷയങ്ങളിൽ സെമിനാറുകൾ നടന്നു ആക്ടിവിസ്റ്റുകളായ സുൽഫത്ത്, പ്രകൃതി തുടങ്ങിയവർ സംസാരിച്ചു.
ഞായറാഴ്ച രാവിലെ പത്തിന് മലപ്പുറം ടൗൺഹാളിൽ ‘ഭരണകൂടം, മതം, രാഷ്ട്രീയം’ വിഷയത്തിൽ ചർച്ച നടക്കും. തുടർന്ന് കോട്ടക്കുന്ന് ഗേറ്റ് മുതൽ ടൗൺഹാൾ വരെ ക്വിയർ പ്രൈഡ് മാർച്ച് നടക്കും. വൈകീട്ട് അഞ്ചിന് സമാപന സമ്മേളനവും തുടർന്ന് വിവിധ കലപാരിപാടികളും അരങ്ങേറും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.