തിരുവനന്തപുരം: കോൺഗ്രസ് അധ്യക്ഷൻ രാഹുൽ ഗാന്ധി വയനാട് സീറ്റിൽ മത്സരിക്കുകയാണെങ്കിൽ അതിൻറെ തരംഗം എല്ലാ സീ റ്റുകളിലും കാണാൻ സാധിക്കുമെന്ന് പി.കെ കുഞ്ഞാലിക്കുട്ടി. രാഹുൽ മത്സരിക്കുന്ന കാര്യം ഔദ്യോഗികമായി പ്രഖ്യാപ ിച്ച ശേഷം ബാക്കി കാര്യങ്ങൾ പറയാമെന്നും കുഞ്ഞാലിക്കുട്ടി പറഞ്ഞു.
അമേത്തിയിൽ എതിരാളികൾ ആരായാലും ഇപ്പോൾ ചെലവഴിക്കുന്നതിൻെറ പകുതി സമയം ചെലവഴിച്ചാൽ തന്നെ രാഹുൽ ഗാന്ധി വിജയിക്കുമെന്ന് കോൺഗ്രസ് നേതാവ് ശശി തരൂർ പറഞ്ഞു. കേരളത്തിൽ മത്സരിക്കുകയാണെങ്കിൽ അത് സംസ്ഥാനത്തൊട്ടാകെ ആവേശം വിതക്കും. അത് 20 മണ്ഡലങ്ങൾക്കും ഗുണം ചെയ്യും. 20 മണ്ഡലങ്ങളിലും യു.ഡി.എഫ് വിജയിക്കുമെന്നും ശശി തരൂർ കൂട്ടിച്ചേർത്തു.
രാഹുൽ കേരളത്തിൽ മത്സരിക്കണമെന്നത് ജനാധിപത്യ വിശ്വാസികളുടെ എന്നത്തേയും ആഗ്രഹമാണെന്ന് വി.എം സുധീരൻ പറഞ്ഞു. വയനാട് സീറ്റ് നേരത്തെ മനസിൽ കണ്ടിരുന്നു. ജനാധിപത്യ വിശ്വാസികളുടെയും യു.ഡി.എഫ് പ്രവർത്തകരുടെയും താത്പര്യപ്രകാരം വയനാട്ടിൽ നിന്ന് തന്നെ രാഹുൽ മത്സരിക്കണമെന്നും വി.എം. സുധീരൻ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.