Posted On
date_range Updated On
date_range തെരുവ് നായ കുറുകെ ചാടി: നിയന്ത്രണം വിട്ട ഓട്ടോ മറിഞ്ഞ് അഞ്ചാം ക്ലാസുകാരന്‍ മരിച്ചു
തിരുവനന്തപുരം: തിരുവനന്തപുരം കടക്കാവൂരിൽ തെരുവ്നായ കുറുകെ ചാടിയതിനെ തുടർന്ന് ഓട്ടോറിക്ഷ മറിഞ്ഞ് അഞ്ചാം ക്ലാസുകാരന്‍ മരിച്ചു. അഞ്ചുതെങ്ങ് മാമ്പള്ളി നല്ലാംതിട്ടയിൽ വാൾട്ടർ-ബിജി ദമ്പതികളുടെ മകന്‍ ബിനോയ്(10) ആണ് മരിച്ചത്. സെന്‍റ് ജോസഫ് സ്കൂളിലെ വിദ്യാർഥിയാണ് ബിനോയ്. സഹോദരിക്കും അമ്മക്കുമൊപ്പം ഓട്ടോയിൽ സഞ്ചരിക്കവെയാണ് അപകടം നടന്നത്. നിലക്കമുക്കിന് സമീപത്ത് വച്ച് തെരുവുനായ കുറുകെ ചാടുകയും ഓട്ടോറിക്ഷ നിയന്ത്രണം നഷ്ടപ്പെട്ട് ഫുട്പാത്തിലേക്ക് ഇടിച്ചു കയറി മറിയുകയുമായിരുന്നു. ഇതിനിടെ കുട്ടി ഓട്ടോയുടെ അടിയിൽപ്പെട്ടു. ബിനോയിയെ ഉടന്‍ തന്നെ ആശുപത്രിയിലെത്തിച്ചെങ്കിലും രക്ഷിക്കനായില്ല. അപകടത്തിൽ കുട്ടിയുടെ അമ്മക്കും സഹോദരിക്കും പരിക്കേറ്റു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.