തിരുവനന്തപുരം: കൂറുമാറ്റ നിരോധന നിയമ പ്രകാരം പാലക്കാട് മങ്കര ഗ്രാമപഞ്ചായത്തംഗം വസന്തകുമാരി, ഇടുക്കി കരിമണ്ണൂർ ഗ്രാമപഞ്ചായത്തംഗമായിരുന്ന ദേവസ്യ ദേവസ്യ, സുൽത്താൻ ബത്തേരി നഗരസഭ മുൻ കൗൺസിലർ ടി.എൽ. സാബു എന്നിവരെ സംസ്ഥാന തെരഞ്ഞെടുപ്പ് കമീഷണർ എ. ഷാജഹാൻ അയോഗ്യരാക്കി. ആറു വർഷത്തേക്കാണ് വിലക്ക്. മങ്കര ഗ്രാമപഞ്ചായത്ത് നാലാം വാർഡിൽനിന്ന് സ്വതന്ത്ര സ്ഥാനാർഥിയായി വിജയിച്ച വസന്തകുമാരി എൽ.ഡി.എഫ് പിന്തുണയോടെ വൈസ് പ്രസിഡന്റായിരുന്നു. കഴിഞ്ഞ ടേമിൽ കോൺഗ്രസ് ടിക്കറ്റിൽ ജയിച്ച ദേവസ്യ ദേവസ്യ 2018 ജൂൺ 25ന് നടന്ന പ്രസിഡന്റ് തെരഞ്ഞെടുപ്പിൽ പാർട്ടിയുടെ ഔദ്യോഗിക സ്ഥാനാർഥിക്കെതിരെ വിപ്പ് ലംഘിച്ച് മത്സരിച്ചതിനാലാണ് അയോഗ്യത കൽപിച്ചത്.
സുൽത്താൻ ബത്തേരി നഗരസഭ ചെയർമാനായിരുന്ന ടി.എൽ. സാബു കേരള കോൺഗ്രസ് (എം) ടിക്കറ്റിലാണ് കൗൺസിലറായത്. 2018 ലെ ചെയർപേഴ്സൺ തെരഞ്ഞെടുപ്പിൽ പാർട്ടി നിർദേശത്തിന് വിപരീതമായി എൽ.ഡി.എഫ് പിന്തുണയോടെ ജയിച്ചതാണ് അയോഗ്യതക്കിടയാക്കിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.