കാലവർഷം ഇന്നെത്തും; മഴക്കെടുതി തുടരുന്നു, 11 ജില്ലകളിൽ മുന്നറിയിപ്പ്

കോഴിക്കോട്: തെ​ക്ക് പ​ടി​ഞ്ഞാ​റ​ൻ കാ​ല​വ​ർ​ഷം ഇന്ന് കേരളത്തിൽ പ്രവേശിക്കുമെന്ന് കാലാവസ്ഥാ പ്രവചനം. ഇതിന് മുന്നോടിയായി സംസ്ഥാനത്ത് മഴ കനത്തു. മധ്യ-തെക്കൻ കേരളത്തിലാണ് വ്യാപക മഴ ലഭിക്കുന്നത്. തി​രു​വ​ന​ന്ത​പു​രം, കൊ​ല്ലം, എ​റ​ണാ​കു​ളം ജി​ല്ല​ക​ളി​ൽ ര​ണ്ടു​ദി​വ​സ​മാ​യി പെ​യ്യു​ന്ന മ​ഴ​ക്ക്​ ശ​മ​ന​മി​ല്ല. റോ​ഡു​ക​ളും വീ​ടു​ക​ളും ക​ച്ച​വ​ട സ്ഥാ​പ​ന​ങ്ങ​ളും ഉ​ൾ​പ്പെ​ടെ വെ​ള്ള​ക്കെ​ട്ടി​ൽ മു​ങ്ങി.

തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട് ജില്ലകളിൽ ഇന്ന് മഞ്ഞ അലർട്ട് നൽകിയിട്ടുണ്ട്. വരുംദിവസങ്ങളിലും വ്യാപകമായ മഴയുണ്ടാകുമെന്നാണ് കാലാവസ്ഥാ പ്രവചനം.

മറ്റ് ദിവസങ്ങളിലെ മഴ മുന്നറിയിപ്പ്

മഞ്ഞ അലർട്ട്

മേയ് 31: പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, കോഴിക്കോട് ജൂൺ ഒന്ന്: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട്

രണ്ട്: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട്

സം​സ്ഥാ​ന​ത്ത്​ ആ​കെ 34 ദു​രി​താ​ശ്വാ​സ ക്യാ​മ്പു​ക​ളി​ലാ​യി 666 കു​ടും​ബ​ങ്ങ​ളി​ലെ 2054 പേ​രെ മാ​റ്റി​പാ​ർ​പ്പി​ച്ചു. കേ​ര​ള തീ​ര​ത്ത് ശ​ക്ത​മാ​യ പ​ടി​ഞ്ഞാ​റ​ൻ കാ​റ്റ് നി​ല​നി​ൽ​ക്കു​ന്ന​തി​നാ​ൽ സം​സ്ഥാ​ന​ത്ത്​ അ​ടു​ത്ത ഏ​ഴ്​ ദി​വ​സം വ്യാ​പ​ക​മാ​യി ഇ​ടി മി​ന്ന​ലോ​ടു​കൂ​ടി​യ മ​ഴ​ക്കാ​ണ്​ സാ​ധ്യ​ത. ശ​ക്ത​മാ​യ കാ​റ്റി​നും മോ​ശം കാ​ലാ​വ​സ്ഥ​ക്കും സാ​ധ്യ​ത​യു​ള്ള​തി​നാ​ൽ തെ​ക്ക​ൻ കേ​ര​ള​തീ​രം, ല​ക്ഷ​ദ്വീ​പ് തീ​രം എ​ന്നി​വി​ട​ങ്ങ​ളി​ൽ മ​ത്സ്യ​ബ​ന്ധ​ന​ത്തി​ന് വി​ല​ക്കേ​ർ​പ്പെ​ടു​ത്തി. 

ക​ൺ​ട്രോ​ൾ റൂ​മു​ക​ൾ സജ്ജം

എ​ല്ലാ ജി​ല്ല​ക​ളി​ലും 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന താ​ലൂ​ക്ക്, ജി​ല്ല ക​ൺ​ട്രോ​ൾ റൂ​മു​ക​ൾ പ്ര​വ​ർ​ത്തി​ക്കു​ന്നു. അ​പ​ക​ട സാ​ധ്യ​ത മു​ന്നി​ൽ കാ​ണു​ന്ന ഘ​ട്ട​ത്തി​ലും സ​ഹാ​യ​ങ്ങ​ൾ​ക്കു​മാ​യി 1077, 1070 എ​ന്നീ ടോ​ൾ ഫ്രീ ​ന​മ്പ​റു​ക​ളി​ൽ ബ​ന്ധ​പ്പെ​ട​ണം.