കൊല്ലം: പ്രാക്കുളത്ത് ആറാം ക്ലാസ് വിദ്യാർഥിനിയെ തൂങ്ങി മരിച്ച നിലയിൽ കണ്ടെത്തി. പനക്കൽ സ്വദേശി മുഹമ്മദ് കുഞ്ഞിെൻറ മകൾ അമീനയാണ് മരിച്ചത്. വെള്ളിയാഴ്ച വൈകീട്ട് 7.30 നാണ് അമീനയെ തൂങ്ങിയ നിലയിൽ കണ്ടെത്തിയത്.
അയൽവീട്ടിൽ പോയ മാതാവ് തിരികെ വീട്ടിലെത്തിയപ്പോഴാണ് കുട്ടിയെ ഷാളിൽ തൂങ്ങിയ നിലയിൽ കണ്ടത്. ഉടൻ തന്നെ അഞ്ചാലുംമൂട്ടിലെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു.
സംഭവത്തിൽ ദുരൂഹതയുണ്ടെന്ന് കുടുംബം ആരോപിച്ചു. കുട്ടി ആത്മഹത്യ ചെയ്യില്ലെന്ന് മാതാവ് അനീസ പറഞ്ഞു. സംഭവത്തിൽ പ്രദേശത്തെ കഞ്ചാവ് മാഫിയക്ക് ബന്ധമുണ്ടെന്ന് കുട്ടിയുടെ മുത്തച്ഛൻ അൻസാരി ആരോപിച്ചുവെങ്കിലും ഇത് കുടുംബം തള്ളി. ഡിവൈ.എസ്.പി ഉൾപ്പെടെയുള്ള ഉന്നത പൊലീസ് ഉദ്യോഗസ്ഥർ സ്ഥലത്തെത്തി. വീട് പൊലീസ് സീൽ ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.