ചലച്ചിത്ര പിന്നണി ഗായിക ചിത്ര അരുണിന്റെ ഫേസ്ബുക്ക് പേജ് അജ്ഞാതർ ഹാക്ക് ചെയ്തു. ഈ അക്കൗണ്ടിലൂടെ ഇപ്പോൾ അശ്ലീല വിഡിയോകൾ സ്റ്റോറികളായും റീൽസുകളായും പ്രചരിപ്പിച്ചുകൊണ്ടിരിക്കുകയാണ്. മൂന്നു മാസം മുമ്പാണ് തന്റെ പേജ് ഹാക്ക് ചെയ്തതതെന്നും സൈബർ സെല്ലിലും ഫേസ്ബുക്കിനും നേരിട്ട് പരാതി നൽകിയെങ്കിലും നടപടികൾ ഒന്നും ഉണ്ടായില്ലെന്നും ചിത്ര അരുൺ പറയുന്നു.
കുറച്ചുനാളുകൾക്കു ശേഷം ഈ അക്കൗണ്ടിലൂടെ അശ്ലീല വിഡിയോകൾ പ്രചരിക്കാൻ തുടങ്ങിയിരിക്കുകയാണ്. സുഹൃത്തുക്കളാണ് ഇക്കാര്യം ശ്രദ്ധയിൽ പെടുത്തിയതെന്നും എന്നാൽ തനിക്ക് ഒന്നും ചെയ്യാൻ സാധിക്കുന്നില്ലെന്നും ഗായിക വ്യക്തമാക്കി.
തുടർന്ന് ഈ പേജ് റിപ്പോർട്ട് ചെയ്ത് ബ്ലോക്കാക്കണമെന്ന അഭ്യർഥനയുമായി ചിത്ര അരുൺ തന്നെ നേരിട്ട് സോഷ്യൽ മീഡിയിൽ രംഗത്തുവന്നിട്ടുണ്ട്. മൂന്നു മാസം മുമ്പ് അക്കൗണ്ട് ഹാക്ക് ചെയ്ത ശേഷം പേജ് തുറക്കാൻ കഴിയാത്ത അവസ്ഥയിലായെന്നും ചിത്ര പറയുന്നു. പുതിയ ഫേസ്ബുക്ക് അക്കൗണ്ട് വഴിയാണ് ഗായികയുടെ അഭ്യർഥന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.