തിരുവനന്തപുരം: കേരള റെയില് വികസന കോര്പറേഷെൻറ (കെ-റെയില്) അര്ധ അതിവേഗ തീവണ്ടിപ്പാതയായ സില്വര്ലൈന് പദ്ധതിക്ക് മുന്കൂര് പാരിസ്ഥിക അനുമതി വേണ്ടെന്ന് കേന്ദ്ര സര്ക്കാര് ദേശീയ ഹരിത ട്രൈബ്യൂണല് മുമ്പാതെ സമര്പ്പിച്ച സത്യവാങ്മൂലത്തില് ബോധിപ്പിച്ചു.
കേന്ദ്ര പരിസ്ഥിതി, വനം, കാലാവസ്ഥാ വ്യതിയാന മന്ത്രാലയത്തിെൻറ ബംഗളൂരു മേഖല ഓഫിസിലെ ശാസ്ത്രജ്ഞന് ഡോ. മുരളീ കൃഷ്ണയാണ് കേന്ദ്ര സര്ക്കാറിനുവേണ്ടി സത്യവാങ്മൂലം സമര്പ്പിച്ചത്.
പാരിസ്ഥിതിക അനുമതി കിട്ടുന്നതിനു മുമ്പ്, സില്വര്ലൈന് പ്രൊജക്ടിെൻറ നിര്മാണാനപ്രവര്ത്തനങ്ങള് ആരംഭിക്കുന്നത് തടയണമെന്ന് ആവശ്യപ്പെട്ട് പി.ആര്. ശശികുമാര് സമര്പ്പിച്ച ഹരജിയുമായി ബന്ധപ്പെട്ട കേസിലാണ് സത്യവാങ്മൂലം.
വിവിധ വികസന പദ്ധതികളുടെ പാരിസ്ഥിതിക ആഘാതപഠനം സംബന്ധിച്ച് 2006ല് കേന്ദ്ര സര്ക്കാര് പുറപ്പെടുവിച്ച വിജ്ഞാപനത്തില് റെയില്വേയോ റെയില്വേ പദ്ധതികളോ ഉള്പ്പെടുന്നില്ലെന്ന് സത്യവാങ്മൂലത്തില് പറയുന്നു.
2006 സെപ്റ്റംബര് പതിനാലിനാണ് കേന്ദ്ര പരിസ്ഥിതി, വനം, കാലാവസ്ഥാ വ്യതിയാന വകുപ്പു ഇത് സംബന്ധിച്ച വിജ്ഞാപനം പുറപ്പെടുവിച്ചത്. വിമാനത്താവളങ്ങള്, തുറമുഖങ്ങള്, ദേശീയപാതകള്, കെട്ടിട നിര്മാണങ്ങള് തുടങ്ങിയ 39 വികസനപദ്ധതികളും പ്രവൃത്തികളുമാണ് ഈ വിജ്ഞാപനത്തില് ഉള്പ്പെടുന്നത്. ഇക്കൂട്ടത്തില് റെയില്വേയും റെയില്വേ പദ്ധതികളുമില്ല. അതുകൊണ്ടുതന്നെ സില്വര്ലൈന് പദ്ധതിക്ക് മുന്കൂര് പാരിസ്ഥികാനുമതി ആവശ്യമില്ലെന്ന് സത്യവാങ്മൂലത്തില് വ്യക്തമാക്കുന്നു.
നോയ്ഡ -ഗ്രേറ്റര് നോയ്ഡ മെട്രെ റെയില് പദ്ധതിക്ക് പാരിസ്ഥികാനുമതി നേടണമെന്നുള്ള ദേശീയ ഹരിത ട്രൈബ്യൂണലിെൻറ ഉത്തരവ് പിന്നീട് സുപ്രീംകോടതി സ്റ്റേ ചെയ്ത കാര്യവും ചൂണ്ടിക്കാട്ടി.
സമ്പൂര്ണ ഹരിത പദ്ധതിയായി വിഭാവന ചെയത് സില്വര്ലൈനുമായി ബന്ധപ്പെട്ട് സമഗ്ര പാരിസ്ഥിതിക ആഘാതപഠനം നടത്തുന്നതിന് കെ-റെയില് ഇ.ക്യു.എം.എസ് ഇന്ത്യ ലിമിറ്റഡിനെ ചുമതലപ്പെടുത്തിയിട്ടുണ്ട്. 14 മാസത്തിനകം റിപ്പോര്ട്ട് സമര്പ്പിക്കാനാണ് ധാരണ. പാരിസ്ഥിതിക-സാമൂഹിക അവസ്ഥകള് നിരീക്ഷിക്കാന് കര്ക്കശ സംവിധാനങ്ങളുള്ള ധനകാര്യ ഏജന്സികളാണ് പദ്ധതിക്ക് ധനസഹായം നല്കുന്നതെന്നും സത്യവാങ്മൂലത്തില് വ്യക്തമാക്കിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.