സിൽവർ ലൈൻ: കേ​ന്ദ്ര കടമ്പ കടക്കാൻ ഇ. ശ്രീധരനെ മുൻനിർത്തി പുതിയ നീക്കം

തി​രു​വ​ന​ന്ത​പു​രം: സി​ൽ​വ​ർ​ലൈ​ന്​ മു​ന്നി​ലെ കേ​ന്ദ്ര​ത​ട​സ്സ​ങ്ങ​ൾ നീ​ക്കു​ന്ന​തി​ന്​ മെ​ട്രോ​മാ​ൻ ഇ. ​ശ്രീ​ധ​ര​നെ മു​ൻ നി​ർ​ത്തി സ​ർ​ക്കാ​ർ നീ​ക്കം. ഇ​തി​ന്‍റെ ഭാ​ഗ​മാ​യി ഡ​ല്‍ഹി​യി​ലെ കേ​ര​ള​ത്തി​ന്റെ പ്ര​ത്യേ​ക പ്ര​തി​നി​ധി കെ.​വി. തോ​മ​സും കെ-​റെ​യി​ൽ ഉ​ദ്യോ​ഗ​സ്ഥ​രും ശ്രീ​ധ​ര​നു​മാ​യി കൂ​ടി​ക്കാ​ഴ്​​ച ന​ട​ത്തി.

പൊ​ന്നാ​നി​യി​ലെ ശ്രീ​ധ​ര​ന്‍റെ വ​സ​തി​യി​ലാ​യി​രു​ന്നു കൂ​ടി​ക്കാ​ഴ്ച. കേ​ന്ദ്ര​സ​ഹ​ക​ര​ണ​ത്തോ​ടെ ന​ട​പ്പാ​ക്കേ​ണ്ട പ​ദ്ധ​തി​യാ​ണെ​ങ്കി​ലും സി​ൽ​വ​ർ​ലൈ​ൻ​ പ്രാ​യോ​ഗി​ക​മ​ല്ലെ​ന്നാ​ണ്​​ കേ​ന്ദ്ര നി​ല​പാ​ട്. ഈ ​സാ​ഹ​ച​ര്യ​ത്തി​ലാ​ണ്​ രാ​ഷ്ട്രീ​യ വൈ​രം മ​റ​ന്ന്​ ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ ബി.​​ജെ.​പി സ്ഥാ​നാ​ർ​ഥി കൂ​ടി​യാ​യ ശ്രീ​ധ​ര​ന്‍റെ സ​ഹാ​യ​ത്തോ​ടെ ഏ​തു​ വി​ധേ​ന​യും പ​ദ്ധ​തി​യു​ടെ അ​നു​മ​തി​ക്കാ​യി തീ​വ്ര​ശ്ര​മം ന​ട​ത്തു​ന്ന​ത്. മു​ഖ്യ​മ​​ന്ത്രി​യി​ൽ​നി​ന്ന് അ​നു​വാ​ദം വാ​ങ്ങി​യ ശേ​ഷ​മാ​യി​രു​ന്നു തോ​മ​സി​ന്‍റെ ഇ​ട​പെ​ട​ൽ.

കേ​ര​ള​ത്തി​ന്​ അ​തി​വേ​ഗ പാ​ത വേ​ണ​മെ​ന്ന്​ ഏ​താ​നും ദി​വ​സ​ങ്ങ​ൾ​ക്ക്​ മു​മ്പ്​​ മെ​ട്രോ​മാ​ൻ അ​ഭി​പ്രാ​യ​പ്പെ​ട്ടി​രു​ന്നു. ഈ ​സാ​ധ്യ​ത പി​ടി​വ​ള്ളി​യാ​ക്കി​യാ​ണ്​ കെ-​റെ​യി​ൽ സം​ഘം ശ്രീ​ധ​ര​നെ സ​മീ​പി​ച്ച​ത്. ‘‘കേ​ര​ള​ത്തി​ന്​ അ​തി​വേ​ഗ പാ​ത വേ​ണ​മെ​ന്ന്​ ശ്രീ​ധ​ര​ൻ ക​ഴി​ഞ്ഞ ദി​വ​സം അ​ഭി​പ്രാ​യ​പ്പെ​ട്ടി​രു​ന്നെ​ന്നും ഈ ​വി​ഷ​യ​ത്തി​ൽ അ​ഭി​പ്രാ​യം ആ​രാ​യാ​നാ​ണ്​ അ​ദ്ദേ​​ഹ​ത്തെ സ​മീ​പി​ച്ച​തെ’’​ന്നും ​കെ.​വി. തോ​മ​സ്​ മാ​ധ്യ​മ​ത്തോ​ട്​ പ​റ​ഞ്ഞു.

ഇ​തു​സം​ബ​ന്ധി​ച്ച്​ മു​ഖ്യ​മ​ന്ത്രി​ക്ക്​ ന​ൽ​കാ​നു​ള്ള ത​ന്‍റെ അ​ഭി​പ്രാ​യ​ങ്ങ​ൾ എ​ഴു​തി ന​ൽ​കാ​മെ​ന്ന്​ ശ്രീ​ധ​ര​ന്‍ അ​റി​യി​ച്ചി​ട്ടു​ണ്ട്. അ​വ സ്വീ​കാ​ര്യ​മാ​ണെ​ങ്കി​ൽ ​ഉ​ൾ​ക്കൊ​ള്ളും. അ​ല്ലെ​ങ്കി​ൽ ഒ​ഴി​വാ​ക്കും. സം​സ്ഥാ​ന സ​ർ​ക്കാ​റും കേ​ന്ദ്ര​സ​ർ​ക്കാ​റും യോ​ജി​ച്ചേ പ​ദ്ധ​തി ന​ട​പ്പാ​ക്കാ​നാ​വൂ​വെ​ന്നും ഏ​ക​പ​ക്ഷീ​യ​മാ​യി ന​ട​ക്കി​ല്ലെ​ന്നും തോ​മ​സ്​ കൂ​ട്ടി​ച്ചേ​ർ​ത്തു.

അ​തേ​സ​മ​യം, സി​ൽ​വ​ർ​ലൈ​ൻ പ്ര​യോ​ഗി​ക​മ​ല്ലെ​ന്ന പ​ഴ​യ നി​ല​പാ​ടി​ൽ ശ്രീ​ധ​ര​ൻ ഉ​റ​ച്ചു നി​ൽ​ക്കു​ക​യാ​ണ്. കെ.​വി. തോ​മ​സു​മാ​യി കൂ​ടി​ക്കാ​ഴ്ച ന​ട​ത്തി​യ കാ​ര്യം സ്ഥി​രീ​ക​രി​ച്ച ​ശ്രീ​ധ​ര​ൻ നി​ല​വി​ൽ വി​ഭാ​വ​നം ചെ​യ്യു​ന്ന പ​ദ്ധ​തി അ​നു​യോ​ജ്യ​മ​ല്ലെ​ന്നും അ​ടി​വ​ര​യി​ട്ടു. 

പു​തി​യ ഡി.​പി.​ആ​ർ വേ​ണം -ഇ. ​ശ്രീ​ധ​ര​ൻ

 തി​രു​വ​ന​ന്ത​പു​രം: നി​ല​വി​ൽ വി​ഭാ​വ​നം ചെ​യ്യും വി​ധ​മു​ള്ള സി​ൽ​വ​ർ ലൈ​ൻ ​പ്രാ​യോ​ഗി​ക​മ​ല്ലെ​ന്ന്​ ഇ. ​ശ്രീ​ധ​ര​ൻ ‘മാ​ധ്യ​മ’​ത്തോ​ട്​ പ​റ​ഞ്ഞു. ‘‘ഇ​തു​ കൊ​ണ്ടു​ന​ട​ക്ക​ൽ സാ​ധി​ക്കി​ല്ല. നോ​ക്കി​യി​ട്ട്​ കാ​ര്യ​വു​മി​ല്ല. കേ​ര​ള​ത്തി​ൽ പു​തി​യ അ​തി​വേ​ഗ​പാ​ത വേ​ണ​മെ​ങ്കി​ൽ പു​തി​യ ഡി.​പി.​ആ​ർ ത​യാ​റാ​ക്കു​ക​ത​ന്നെ വേ​ണം. ഉ​പ​രി​ത​ല പാ​ത പ്രാ​യോ​ഗി​ക​മ​ല്ല. ഒ​ന്നു​കി​ൽ തൂ​ണു​ക​ളി​ലൂ​ടെ​യോ അ​ല്ലെ​ങ്കി​ൽ ഭൂ​ഗ​ർ​ഭ​മോ ആ​യി​രി​ക്ക​ണം.

ഇ​തി​നു​ള്ള സാ​​ങ്കേ​തി​ക ഉ​പ​ദേ​ശം ആ​വ​ശ്യ​മെ​ങ്കി​ൽ താ​ൻ ന​ൽ​കാ​ൻ ത​യാ​റാ​ണ്. എ​ന്നെ സം​ബ​ന്ധി​ച്ച്​ ഇ​തൊ​രു രാ​ഷ്ട്രീ​യ​കാ​ര്യ​മ​ല്ല. കേ​ര​ള​ത്തി​ന്​ അ​തി​വേ​ഗ​പാ​ത വേ​ണം. പ​ക്ഷേ, അ​തു​ നി​ല​വി​ൽ വി​ഭാ​വ​നം ചെ​യ്യു​ന്ന സി​ൽ​വ​ർ​ലൈ​ൻ അ​ല്ല. ഇ​തു​​ത​ന്നെ​യാ​ണ്​ കേ​ന്ദ്ര റെ​യി​ൽ​വേ​മ​ന്ത്രി​യും വ്യ​ക്ത​മാ​ക്കി​​യ​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.