തിരുവനന്തപുരം: അനിശ്ചതകാലത്തേക്ക് കോളജ് അടച്ച് സമരം നടത്തില്ലെന്ന് സ്വാശ്രയ എഞ്ചിനിയറിങ് കോളജ് അസോസിയേഷൻ. വിദ്യാഭ്യാസ മന്ത്രിയിൽ പ്രതീക്ഷയുണ്ടെന്നും പ്രശ്നങ്ങൾ പരിഹരിക്കപെടുമെന്നാണ് കരുതുന്നതെന്നും അസോസിയേഷൻ പ്രതിനിധികൾ വാർത്ത സമ്മേളനത്തിൽ അറിയിച്ചു.
വിഷയത്തിൽ വെള്ളിയാഴ്ച ചർച്ച നടത്താമെന്ന് വിദ്യഭ്യാസ മന്ത്രി രവീന്ദ്രനാഥ് ഉറപ്പ് നൽകിയിട്ടുണ്ടെന്നും അവർ പറഞ്ഞു. വിദ്യാർഥിയുടെ മരണവുമായി ബന്ധപ്പെട്ടുള്ള പ്രശ്നത്തിൽ നെഹ്റു കോളജിന് വീഴ്ച പറ്റി. തെറ്റ് ചെയ്താൽ കർശന നടപടിയുണ്ടാവുമെന്നും മാനേജ്മെൻറ് പ്രതിനിധികൾ പറഞ്ഞു.
നെഹ്റു കോളജ് വിദ്യാർത്ഥി ജിഷ്ണുവിെൻറ മരണവുമായി ബന്ധപ്പെട്ട് സ്വകാര്യ എഞ്ചീനിയറിങ് കോളജുകൾക്കെതിരെ ഉണ്ടായിട്ടുള്ള ആക്രമണങ്ങളിൽ പ്രതിഷേധിച്ച് ഇന്ന് കോളജുകൾ അടച്ചിട്ട് സമരം ചെയുകയാണ് സ്വാശ്രയ എഞ്ചീനിയറിങ് കോളജ് അസോസിയേഷൻ. അനിശ്ചിത കാലത്തേക്ക് കോളജുകൾ അടച്ചിട്ടുകൊണ്ട് പ്രതിഷേധിക്കുന്നതിനെ കുറച്ച് ആലോചിക്കുമെന്നും മാനേജ്മെൻറ് അസോസിയേഷൻ ബുധനാഴ്ച വ്യക്തമാക്കിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.