ശസ്ത്രക്രിയയ്ക്കിടെ വയറ്റിൽ കത്രിക കുടുങ്ങിയ സംഭവം: ഹർഷിനയ്ക്കായി ഇടപെടൽ ഉറപ്പുനൽകി രാഹുൽ ഗാന്ധി

വൈ​ത്തി​രി: പ്ര​സ​വ ശ​സ്ത്ര​ക്രി​യ​ക്കി​ടെ വ​യ​റ്റി​ല്‍ ക​ത്രി​ക കു​ടു​ങ്ങി​യ​തു​മാ​യി ബ​ന്ധ​പ്പെ​ട്ട് ആ​രോ​ഗ്യ​വ​കു​പ്പ് തു​ട​രു​ന്ന അ​നീ​തി​ക്കെ​തി​രെ സ​മ​രം ചെ​യ്യു​ന്ന കോ​ഴി​ക്കോ​ട് സ്വ​ദേ​ശി​നി കെ.​കെ. ഹ​ര്‍ഷി​ന വ​യ​നാ​ട്ടി​ലെ​ത്തി രാ​ഹു​ല്‍ ഗാ​ന്ധി എം.​പി​യെ ക​ണ്ട് ദു​രി​താ​നു​ഭ​വ​ങ്ങ​ള്‍ വി​വ​രി​ച്ചു. ആ​രോ​ഗ്യ മേ​ഖ​ല​യി​ലെ വീ​ഴ്ച​യു​ടെ ഇ​ര​യാ​യി അ​ഞ്ചു വ​ര്‍ഷം യാ​ത​ന അ​നു​ഭ​വി​ച്ച​തും നീ​തി​തേ​ടി​യു​ള്ള സ​മ​ര​വും അ​ധി​കൃ​ത​രു​ടെ അ​നീ​തി​യും അ​വ​ര്‍ രാ​ഹു​ലി​ന് മു​ന്നി​ല്‍ അ​വ​ത​രി​പ്പി​ച്ചു.

അ​ര്‍ഹ​മാ​യ ന​ഷ്ട​പ​രി​ഹാ​ര​വും കു​റ്റ​ക്കാ​ര്‍ക്കെ​തി​രെ ന​ട​പ​ടി​യും ആ​വ​ശ്യ​പ്പെ​ട്ട് സ​മ​ര സ​ഹാ​യ​സ​മി​തി​യു​ടെ സ​ഹാ​യ​ത്തോ​ടെ കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​നു മു​ന്നി​ല്‍ ര​ണ്ടാം​ഘ​ട്ട സ​ത്യ​ഗ്ര​ഹ​ത്തി​ലാ​ണ് അ​വ​ര്‍. ഹ​ര്‍ഷി​ന​യോ​ട് വി​വ​ര​ങ്ങ​ള്‍ ചോ​ദി​ച്ച​റി​ഞ്ഞ രാ​ഹു​ല്‍ ആ​വ​ശ്യ​മാ​യ ഇ​ട​പെ​ട​ല്‍ ഉ​റ​പ്പു​ന​ല്‍കി. സം​ഭ​വ​ത്തി​ല്‍ അ​ടി​യ​ന്ത​ര ന​ട​പ​ടി ആ​വ​ശ്യ​പ്പെ​ട്ട് മു​ഖ്യ​മ​ന്ത്രി പി​ണ​റാ​യി വി​ജ​യ​ന് ക​ത്ത​യ​ക്കു​മെ​ന്നും രാ​ഹു​ല്‍ ഗാ​ന്ധി ഹ​ര്‍ഷി​ന​യെ അ​റി​യി​ച്ചു. സ​മ​ര സ​ഹാ​യ​സ​മി​തി ചെ​യ​ര്‍മാ​ന്‍ ദി​നേ​ശ് പെ​രു​മ​ണ്ണ, ക​ണ്‍വീ​ന​ര്‍ മു​സ്ത​ഫ പാ​ലാ​ഴി, ഹ​ര്‍ഷി​ന​യു​ടെ ഭ​ര്‍ത്താ​വ് അ​ഷ്റ​ഫ് എ​ന്നി​വ​രും ഒ​പ്പ​മു​ണ്ടാ​യി​രു​ന്നു.

സ​ര്‍ക്കാ​റി​ന് നീ​തി ന​ല്‍ക​ണ​മെ​ന്ന് ആ​ഗ്ര​ഹ​മു​ണ്ടെ​ങ്കി​ല്‍ ഇ​പ്പോ​ള്‍ ചെ​യ്യാ​മാ​യി​രു​ന്നു​വെ​ന്ന് ഹ​ര്‍ഷി​ന തു​ട​ര്‍ന്ന് മാ​ധ്യ​മ​ങ്ങ​ളോ​ട് പ​റ​ഞ്ഞു. എ​ത്ര​കാ​ലം തെ​രു​വി​ല്‍ നി​ന്നാ​ലാ​ണ് നീ​തി ല​ഭി​ക്കു​ക? ആ​രോ​ഗ്യ​മ​ന്ത്രി കൂ​ടെ​യു​ണ്ടെ​ന്ന് പ​റ​യു​ക​യ​ല്ലാ​തെ ഒ​ന്നും ചെ​യ്യു​ന്നി​ല്ലെ​ന്നും ഹ​ര്‍ഷി​ന പ്ര​തി​ക​രി​ച്ചു. ജി​ല്ല മെ​ഡി​ക്ക​ല്‍ ബോ​ര്‍ഡി​നെ​തി​രെ കോ​ഴി​ക്കോ​ട് സി​റ്റി പൊ​ലീ​സ് ക​മീ​ഷ​ണ​ര്‍ക്ക് ക​ഴി​ഞ്ഞ ദി​വ​സം പ​രാ​തി ന​ല്‍കി​യി​രു​ന്നു. 16ന് ​ഹ​ര്‍ഷി​ന സെ​ക്ര​ട്ടേ​റി​യ​റ്റി​ന് മു​ന്നി​ല്‍ ഏ​ക​ദി​ന ധ​ര്‍ണ ന​ട​ത്തു​ന്നു​ണ്ട്. കു​റ്റ​ക്കാ​ര്‍ക്കെ​തി​രെ ന​ട​പ​ടി​യു​ണ്ടാ​കും​വ​രെ സ​മ​ര​ത്തി​ല്‍നി​ന്ന് പി​ന്നോ​ട്ടി​ല്ലെ​ന്ന് അ​വ​ർ പ​റ​ഞ്ഞു.