Posted On
date_range Updated On
date_range സാംബശിവ റാവുവിനെ എക്സൈസ് കമ്മീഷണർ പദവിയിൽ നിന്ന് മാറ്റി; നടപടി മദ്യനയ വിവാദത്തിനിടെ
തിരുവനന്തപുരം: മദ്യനയ വിവാദത്തിനിടെ സംസ്ഥാന എക്സൈസ് കമ്മീഷണർ സാംബശിവ റാവുവിനെ മാറ്റി. ബാർ ലൈസൻസുമായി ബന്ധപ്പെട്ട സംഭവവികാസങ്ങളിൽ എക്സൈസ് മന്ത്രി പരസ്യമായി അതൃപ്തി രേഖപ്പെടുത്തിയിരുന്നു. അതിന് പിന്നാലെയാണ് നടപടി.
യു.ഡി.എഫ് സർക്കാർ അധികാരത്തിലെത്തിയ ശേഷം പുതിയ മദ്യനയം രൂപീകരിക്കാതെ പുതിയ ബാർ ലൈസൻസുകൾ അനുവദിക്കരുതെന്നായിരുന്നു സർക്കാർ തീരുമാനം. ഇതിന് വിരുദ്ധമായി ബേക്കറി വഴി വൈൻ വിൽക്കാനും രണ്ടു ബാറുകളുടെ ലൈസൻസ് പുതുക്കുന്നതുമായി ബന്ധപ്പെട്ട്, പുതിയ ബാറുകൾക്ക് അനുമതി നൽകൽ എന്നീ കാര്യങ്ങളിൽ എക്സൈസ് മന്ത്രിയും കമ്മീഷണറും തമ്മിൽ അഭിപ്രായവ്യത്യാസം പരസ്യമായിരുന്നു. എക്സൈസിലെ അഡീഷണൽ കമ്മീഷണർക്കാണ് പകരം ചുമതല നൽകിയിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.