ന്യൂഡൽഹി: ശബരിമലയിൽ ദർശനം നടത്തിയതിെൻറ പേരിൽ ഭീഷണി നേരിടുന്ന ബിന്ദു, കനകദുർഗ എന്നിവർ മുഴുവൻ സമയ സുരക്ഷ തേ ടി സുപ്രീംകോടതിയിൽ. സുരക്ഷ ആവശ്യപ്പെട്ടും ശുദ്ധിക്രിയ നടത്തിയ തന്ത്രിയുടെ നടപടി കോടതിയലക്ഷ്യമാണെന്നും ചൂണ ്ടിക്കാട്ടി ഇരുവരും നൽകിയ ഹരജി വെള്ളിയാഴ്ച പരിഗണിക്കാമെന്ന് ചീഫ് ജസ്റ്റിസ് രഞ്ജൻ ഗൊഗോയി വ്യക്തമാക്കി.
എല്ലാ പ്രായത്തിലുമുള്ള സ്ത്രീകൾക്ക് തടസ്സങ്ങൾ ഇല്ലാതെ ശബരിമലയിൽ പ്രവേശിക്കാൻ അധികൃതർക്ക് നിർദേശം നൽകുക, ദർശനം നടത്താൻ ആഗ്രഹിക്കുന്നവർക്ക് പൊലീസ് സുരക്ഷ നൽകുക, ശാരീരികമായും സമൂഹ മാധ്യമങ്ങളിലൂടെയും ആക്രമിക്കുന്നവർക്കെതിരെ നിയമനടപടി സീകരിക്കുക, യുവതികൾ പ്രവേശിച്ചാൽ ശുദ്ധിക്രിയ നടത്തരുതെന്ന് അധികൃതർക്ക് നിർദേശം നൽകുക എന്നീ ആവശ്യങ്ങളും ഹരജിയിൽ ഉന്നയിച്ചു. ജനുവരി രണ്ടിനാണ് ബിന്ദുവും കനകദുർഗയും ശബരിമലയിൽ ദർശനം നടത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.