കോഴിക്കോട്: കാംപസ് ഫ്രണ്ട് ദേശീയ ജനറൽ സെക്രട്ടറി റഊഫ് ഷെരീഫിനെ തിരുവനന്തപുരം വിമാനത്താവളത്തിൽ തടഞ്ഞുവെച്ച് അന്യായമായി അറസ്റ്റ് ചെയ്ത ഇ.ഡി നടപടി അതിരുകടന്നതാണെന്ന് കാംപസ് ഫ്രണ്ട് ദേശീയ സെക്രട്ടറിയേറ്റ് പ്രസ്താവനയിൽ പറഞ്ഞു. ഇ.ഡി സംഘ്പരിവാറിെൻറ ചട്ടുകമായി മാറിയെന്നാണ് വ്യക്തമാവുന്നത്.
വരുന്ന വർഷമാദ്യം സി.എ.എ - എൻ.ആർ.സി നടപ്പാക്കുന്നതിന് മുന്നോടിയായി സംഘ്പരിവാറിനെതിരെ ചെറുത്തുനിൽപ്പ് നടത്തുന്ന നേതാക്കളെയും പ്രസ്ഥാനങ്ങളെയും ഭീഷണിപ്പെടുത്താനുള്ള ബി.ജെ.പി പദ്ധതി ഇ.ഡിയെ ഉപയോഗിച്ച് നടപ്പാക്കുകയാണ്.
റഊഫ് ഷെരീഫിനെ ഉടൻ മോചിപ്പിക്കണം. സി.എ.എ - എൻ.ആർ.സി പ്രതിഷേധത്തിന് നേതൃത്വം നൽകിയ വ്യക്തികളെയും സംഘടനകളെയും ലക്ഷ്യമിടുന്നത് അവസാനിപ്പിക്കാൻ സർക്കാർ തയാറാകണം.
വെറുപ്പിെൻറ രാഷ്ട്രീയത്തെ നേരിടുന്നതിൽനിന്ന് വിദ്യാർത്ഥികൾ പിന്മാറുമെന്നത് ആർ.എസ്.എസിെൻറ തോന്നലുകൾ മാത്രമാണ്. ജനറൽ സെക്രട്ടറിക്കെതിരായ നീക്കത്തിനെതിരെ വിദ്യാർത്ഥി സമൂഹത്തിെൻറ ശക്തമായ പ്രതിഷേധം ഉയരണമെന്നും ദേശീയ സെക്രട്ടറിയേറ്റ് ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.