പാലക്കാട്: നമ്പർ 16348 മംഗളൂരു-തിരുവനന്തപുരം എക്സ്പ്രസ്, നമ്പർ 16344 മധുര-തിരുവനന്തപുരം അമൃത എക്സ്പ്രസ് ട്രെയിനുകൾ മാർച്ച് 10ന് ആരംഭിക്കുന്ന യാത്ര ആലപ്പുഴ വഴിയാക്കി. നമ്പർ 16347 തിരുവനന്തപുരം-മംഗളൂരു എക്സ്പ്രസ്, നമ്പർ 16343 തിരുവനന്തപുരം-മധുര അമൃത എക്സ്പ്രസ്, നമ്പർ 16349 തിരുവനന്തപുരം-നിലമ്പൂർ റോഡ് രാജ്യറാണി എക്സ്പ്രസ് എന്നിവ ഏപ്രിൽ അഞ്ചിന് ആരംഭിക്കുന്ന യാത്രകളും ആലപ്പുഴ വഴി തിരിച്ചുവിടും.
പാലക്കാട്: തിരുവനന്തപുരം ഡിവിഷനിൽ ട്രാക്ക് അറ്റകുറ്റപ്പണി നടക്കുന്നതിനാൽ നമ്പർ 16325 നിലമ്പൂർ-കോട്ടയം ഇന്റർസിറ്റി എക്സ്പ്രസ് മാർച്ച് 10, 16 തീയതികളിൽ യാത്ര തൃപ്പൂണിത്തുറയിൽ അവസാനിപ്പിക്കും. തൃപ്പൂണിത്തുറക്കും കോട്ടയത്തിനുമിടയിൽ ഈ ട്രെയിൻ സർവിസ് നടത്തില്ല.
നമ്പർ 16326 കോട്ടയം-നിലമ്പൂർ ഇന്റർസിറ്റി എക്സ്പ്രസ് 12ന് രാവിലെ 6.12ന് യാത്ര തൃപ്പൂണിത്തുറയിൽ നിന്നാണ് ആരംഭിക്കുക. കോട്ടയത്തിനും തൃപ്പൂണിത്തുറക്കുമിടയിൽ സർവിസ് ഉണ്ടാകില്ല.
പാലക്കാട്: ഹോളി സമയത്തെ തിരക്ക് ഒഴിവാക്കാൻ ലോക്മാന്യ തിലകിനും തിരുവനന്തപുരം നോർത്തിനുമിടയിൽ പ്രത്യേക ട്രെയിനുകൾ സർവിസ് നടത്തും. നമ്പർ 01063 ലോകമാന്യ തിലക്-തിരുവനന്തപുരം നോർത്ത് സ്പെഷൽ മാർച്ച് ആറ്, 13 തീയതികളിൽ വൈകീട്ട് നാലിന് ലോകമാന്യ തിലകിൽനിന്നും 01064 തിരുവനന്തപുരം നോർത്ത്-ലോക്മാന്യ തിലക് സ്പെഷൽ എട്ട്, 15 തീയതികളിൽ വൈകീട്ട് 4.20ന് തിരുവനന്തപുരം നോർത്തിൽനിന്നും സർവിസ് നടത്തും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.