നി​ഖി​ൽ തോ​മ​സി​ന്റെ വ്യാ​ജ ഡി​​ഗ്രി സ​ർ​ട്ടി​ഫി​ക്ക​റ്റ്: പ്രിൻസിപ്പലിന്റെ മൊഴി രേഖപ്പെടുത്തി

ആ​ല​പ്പു​ഴ: എ​സ്.​എ​ഫ്.​ഐ നേ​താ​വ് നി​ഖി​ൽ തോ​മ​സി​ന്റെ വ്യാ​ജ ഡി​​ഗ്രി സ​ർ​ട്ടി​ഫി​ക്ക​റ്റ് വി​വാ​ദ​വു​മാ​യി ബ​ന്ധ​പ്പെ​ട്ട്​ എം.​എ​സ്.​എം കോ​ള​ജ്​ മാ​നേ​ജ്മെ​ന്‍റും പ്രി​ൻ​സി​പ്പ​ലും ന​ൽ​കി​യ പ​രാ​തി​യെ തു​ട​ർ​ന്ന്​ കോ​ള​ജി​ലെ​ത്തി​യ കാ​യം​കു​ളം പൊ​ലീ​സ്, പ്രി​ൻ​സി​പ്പ​ൽ ഡോ. ​മു​ഹ​മ്മ​ദ് താ​ഹ​യു​ടെ മൊ​ഴി രേ​ഖ​പ്പെ​ടു​ത്തി. നി​ഖി​ൽ തോ​മ​സ് സ​മ​ർ​പ്പി​ച്ച രേ​ഖ​ക​ൾ വ്യാ​ജ​മാ​ണെ​ങ്കി​ൽ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് പ്രി​ൻ​സി​പ്പ​ലി​ന്‍റെ പ​രാ​തി​യി​ൽ പ​റ​യു​ന്ന​ത്. വി​ദ്യാ​ർ​ഥി സം​ഘ​ട​ന​ക​ൾ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ പൊ​ലീ​സ് ക​ലിം​ഗ സ​ർ​വ​ക​ലാ​ശാ​ല​യി​ലേ​ക്ക് പു​റ​പ്പെ​ട്ടു.

നി​ഖി​ൽ ഹാ​ജ​രാ​ക്കി​യ മു​ഴു​വ​ൻ രേ​ഖ​ക​ളു​ടെ പ​ക​ർ​പ്പും കേ​ര​ള സ​ർ​വ​ക​ലാ​ശാ​ല ക​ലിം​​ഗ​ക്ക്​ ചൊ​വ്വാ​ഴ്ച മെ​യി​ൽ വ​ഴി കൈ​മാ​റി. അ​തേ​കാ​ല​യ​ള​വി​ൽ നി​ഖി​ൽ തോ​മ​സ്​ കേ​ര​ള സ​ർ​വ​ക​ലാ​ശാ​ല​യി​ൽ പ​ഠി​ച്ച​തി​ന്‍റെ തെ​ളി​വു​ക​ളും കൈ​മാ​റി. നി​ജ​സ്ഥി​തി അ​റി​യി​ക്ക​ണ​മെ​ന്ന് കേ​ര​ള സ​ർ​വ​ക​ലാ​ശാ​ല ക​ലിം​​ഗ​യോ​ട്​ ആ​വ​ശ്യ​പ്പെ​ട്ടു. സ​ർ​ട്ടി​ഫി​ക്ക​റ്റ്​ വ്യാ​ജ​മെ​ന്ന്​ തെ​ളി​ഞ്ഞാ​ൽ ക​ലിം​ഗ​യും നി​യ​മ​ന​ട​പ​ടി തു​ട​ങ്ങും. ക​ലിം​ഗ​ക്ക്​ കേ​ര​ള​ത്തി​ൽ നേ​രി​ട്ടോ അ​ല്ലാ​തെ​യോ പ​ഠ​ന കേ​ന്ദ്രം ഇ​ല്ലെ​ന്നും വ്യ​ക്ത​മാ​ക്കി​യി​ട്ടു​ണ്ട്. നി​ഖി​ൽ തോ​മ​സ് എ​ന്ന വി​ദ്യാ​ർ​ഥി അ​വി​ടെ പ​ഠി​ച്ചി​ട്ടി​ല്ലെ​ന്ന്​ സ​ർ​വ​ക​ലാ​ശാ​ല തി​ങ്ക​ളാ​ഴ്ച വെ​ളി​പ്പെ​ടു​ത്തി​യി​രു​ന്നു.

സി.​പി.​എം ജി​ല്ല ക​മ്മി​റ്റി​യി​ൽ പ​​ങ്കെ​ടു​ക്കു​ന്ന​തി​ന്​ ചൊ​വ്വാ​ഴ്ച ആ​ല​പ്പു​ഴ​യി​ലെ​ത്തി​യ സം​സ്ഥാ​ന സെ​​ക്ര​ട്ട​റി എം.​വി. ഗോ​വി​ന്ദ​ൻ വി​ഷ​യ​ത്തി​ൽ പ്ര​തി​ക​രി​ക്കാ​ൻ ത​യാ​റാ​യി​ല്ല. നി​ഖി​ൽ തോ​മ​സ് പാ​ർ​ട്ടി​യോ​ട് ചെ​യ്ത​ത്​ കൊ​ടും ച​തി​യാ​ണെ​ന്ന് സി.​പി.​എം കാ​യം​കു​ളം ഏ​രി​യ സെ​ക്ര​ട്ട​റി പി. ​അ​ര​വി​ന്ദാ​ക്ഷ​ൻ മാ​ധ്യ​മ​ങ്ങ​ളോ​ട്​ പ​റ​ഞ്ഞു.

പാ​ർ​ട്ടി​ക്കാ​ർ സ​ഹാ​യി​ച്ചി​ട്ടു​ണ്ടെ​ങ്കി​ൽ അ​വ​ർ​ക്കെ​തി​രെ ന​ട​പ​ടി ഉ​ണ്ടാ​കും. പാ​ർ​ട്ടി​ക്ക്​ വ​ലി​യ പേ​രു​ദോ​ഷ​മാ​ണ്​ നി​ഖി​ൽ ഉ​ണ്ടാ​ക്കി​യ​തെ​ന്നും അ​ര​വി​ന്ദാ​ക്ഷ​ൻ പ​റ​ഞ്ഞു.

സ​മ​ഗ്ര പ​രി​ശോ​ധ​ന ന​ട​ത്തു​ന്നു -പ്രിൻ​സി​പ്പ​ൽ

കാ​യം​കു​ളം: എ​സ്.​എ​ഫ്.​ഐ നേ​താ​വ് നി​ഖി​ൽ തോ​മ​സി​ന് പ്ര​വേ​ശ​നം ന​ൽ​കി​യ​ത് സം​ബ​ന്ധി​ച്ച് സ​മ​ഗ്ര​മാ​യ പ​രി​ശോ​ധ​ന ന​ട​ന്നു​വ​രു​ക​യാ​ണെ​ന്ന് എം.​എ​സ്.​എം കോ​ള​ജ്​ പ്രി​ൻ​സി​പ്പ​ൽ ഡോ. ​മു​ഹ​മ്മ​ദ് താ​ഹ ‘മാ​ധ്യ​മ’​ത്തോ​ട് പ​റ​ഞ്ഞു. വി​ഷ​യം അ​ഞ്ചം​ഗ സ​മി​തി പ​ഠി​ക്കു​ക​യാ​ണ്. എ​ന്നി​ട്ടേ കൂ​ടു​ത​ൽ പ​റ​യാ​നാ​കൂ. നി​ഖി​ൽ തോ​മ​സി​നെ സം​ബ​ന്ധി​ച്ച് വി​ദ്യാ​ർ​ഥി സം​ഘ​ട​ന​ക​ൾ ന​ൽ​കി​യ വി​വ​രാ​വ​കാ​ശ അ​പേ​ക്ഷ​യി​ൽ മ​റു​പ​ടി ന​ൽ​കു​ന്ന​തി​ൽ നി​യ​മ​പ​ര​മാ​യ ത​ട​സ്സ​ങ്ങ​ളു​ണ്ടാ​യി​രു​ന്നു. വ്യ​ക്തി​ഗ​ത വി​വ​ര​ങ്ങ​ൾ സം​ബ​ന്ധി​ച്ച ചോ​ദ്യ​ങ്ങ​ളാ​യ​തി​നാ​ലാ​ണ് ന​ൽ​കാ​തി​രു​ന്ന​തെ​ന്നും പ്രി​ൻ​സി​പ്പ​ൽ പ​റ​ഞ്ഞു.