തിരുവനന്തപുരം: നവോത്ഥാനമൂല്യങ്ങൾ സംരക്ഷിക്കാൻ കേരളത്തിൽ നടത്തിയ വനിതാമതിൽ ചരിത്ര വിജയമാണെന്ന് മുഖ്യമന് ത്രി പിണറായി വിജയൻ. വനിതാമതിൽ വിജയിപ്പിച്ച കേരളത്തിലെ സ്ത്രീസമൂഹത്തിന് അഭിവാദ്യങ്ങൾ അർപ്പിക്കുന്നുവെന്നും പിണറായി പറഞ്ഞു. വനിതാമതിൽ രാജ്യം കണ്ട ഏറ്റവും വലിയ മുന്നേറ്റമാണ്. യാഥാസ്ഥിക-വര്ഗീയ ശക്തികള്ക്ക് വലിയൊരു താക്കീതാണ് വനിതാമതില്. കേരളത്തിലെ സ്ത്രീസമൂഹം പുരോഗമന ചിന്തക്കൊപ്പമാെണന്ന് മഹാവിളംബരമായി വനിതാ മതില് മാറിയെന്നും മുഖ്യമന്ത്രി വ്യക്തമാക്കി.
എല്ലാ കണക്കുകൂട്ടലുകളെയും തെറ്റിച്ച് ജാതി-മത-രാഷ്ട്രീയ വ്യത്യാസമില്ലാതെ കേരളത്തിലെ സ്ത്രീസമൂഹം ഒന്നാകെ വനിതാ മതിലിനൊപ്പം നിന്നു. എതിര്പ്പുകളെയും അപവാദ പ്രചാരണങ്ങളെയും അവഗണിച്ച് വനിതാ മതിലില് അണിചേര്ന്ന സ്ത്രീസമൂഹം കേരളത്തിന്റെ അന്തസ്സും അഭിമാനവും ഉയർത്തിയെന്ന് മുഖ്യമന്ത്രി പറഞ്ഞു.
വനിതാ മതില് സമാനതകളില്ലാത്ത സ്ത്രീമുന്നേറ്റമാക്കുന്നതിന് പിന്തുണ നല്കിയ സാമൂഹിക-രാഷ്ട്രീയ പ്രസ്ഥാനങ്ങളെയും മുഖ്യമന്ത്രി അഭിനന്ദിച്ചു. സത്രീകള്ക്ക് ഭരണഘടന ഉറപ്പുനല്കുന്ന അവകാശങ്ങള് സംരക്ഷിക്കാനും ലിംഗനീതി നിഷേധിക്കാനുളള കടന്നാക്രമണങ്ങളെ പ്രതിരോധിക്കാനും സ്ത്രീകള് നടത്തിയ മുന്നേറ്റമാണ് വനിതാമതിലെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.