കേരളം വെറുക്കുന്ന നേതാവായതിനാലാണ്​ മുഖ്യമ​ന്ത്രി പ്രചാരണത്തിനിറങ്ങാത്തത്​ -മുല്ലപ്പള്ളി

കോഴിക്കോട്​: മുഖ്യമന്ത്രി പിണറായി വിജയൻ കേരളം വെറുക്കുന്ന നേതാവായതിനാലാണ്​ അദ്ദേഹത്തിന്​ തെരഞ്ഞെടുപ്പ്​ പ്രചാരണത്തിനിറങ്ങാൻ കഴിയാത്തതെന്ന്​ കെ.പി.സി.സി അധ്യക്ഷൻ മുല്ലപ്പള്ളി രാമച​ന്ദ്രൻ. ഒാൺലൈൻ കാലമായതിനാലാണ്​ പ്രചാരണത്തിന്​ വരാത്തത്​ എന്നെല്ലാം പറയുന്നത്​ അസംബന്ധമാണ്​. മുഖം നഷ്​ടപ്പെട്ട നേതാവാണ്​ പിണറായി വിജയൻ. കേരളത്തിലെ ജനങ്ങളെ നേരിടാൻ അദ്ദേഹത്തിനാവില്ല -മുല്ലപ്പള്ളി പറഞ്ഞു.

മുൻ മുഖ്യമന്ത്രിമാരായ ഇ.എം.എസും നായനാരും വി.എസ്.​ അച്യുതാനന്ദനും എൽ.ഡി.എഫി​െൻറ തെരഞ്ഞെടുപ്പുകാലത്തെ ശക്തമായ സാന്നിധ്യമായിരുന്നുവെന്നും​ കുറ്റിച്ചിറയിലെ യു.ഡി.എഫ്​ തെരഞ്ഞെടുപ്പുയോഗത്തിൽ അദ്ദേഹം പറഞ്ഞു.