തിരുവനന്തപുരം: പെൻഷൻകാരുടെ ക്ഷാമബത്ത കുടിശ്ശിക നാലു തവണകളായി നൽകും. ഏപ്രിലിലെ പുതുക്കിയ പെൻഷനൊപ്പം ഡി.എ നൽകും. 2021 ഏപ്രിൽ, ജൂൺ, സെപ്റ്റംബർ, ഡിസംബർ മാസങ്ങളിൽ നൽകും.
ധനവകുപ്പ് ഇത് സംബന്ധിച്ച് ഉത്തരവിറക്കി. ജീവനക്കാർക്കും അധ്യാപകർക്കും നാലു ഗഡു ഡി.എ അനുവദിച്ചു. രണ്ടു ഗഡു ശമ്പള പരിഷ്കരണത്തിനൊപ്പം ചേർക്കും. ബാക്കി രണ്ടു ഗഡുവായ ഏഴു ശതമാനം പുതുക്കിയ ശമ്പളത്തോടൊപ്പം നൽകും. കുടിശ്ശിക പി.എഫിൽ ലയിപ്പിക്കും. ആകെ 16 ശതമാനമാണ് അനുവദിച്ചത്.
1-1-19 ലെ മൂന്നു ശതമാനം, 1-7-19ലെ അഞ്ചു ശതമാനം, 1-1-20ലെ നാലു ശതമാനം, 1-7-20 ലെ നാലു ശതമാനം എന്നിവയാണ് അനുവദിച്ചത്. ആദ്യ രണ്ടു ഗഡു ശമ്പളത്തിൽ ലയിപ്പിക്കും. അടുത്ത രണ്ടു ഗഡുവാണ് പുതുക്കിയ അടിസ്ഥാന ശമ്പളത്തോടൊപ്പം ഏപ്രിലിൽ നൽകുന്നത്.
അടിസ്ഥാന ശമ്പള ഫോർമുല പ്രകാരം ഏഴു ശതമാനമായാണ് ഇത് ലഭിക്കുക. ഫെബ്രുവരി വരെയുള്ള കുടിശ്ശിക പി.എഫിൽ ലയിപ്പിക്കും. സാമൂഹിക സുരക്ഷ-േക്ഷമനിധി ബോർഡ് പെൻഷനുകൾ 1600 രൂപയായി വർധിപ്പിച്ച് ധനവകുപ്പ് ഉത്തരവിറക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.