കോട്ടയം: പാലാ ഉപതെരഞ്ഞെടുപ്പിൽ സ്ഥാനാർഥി ജോസ് ടോം പുലിക്കുന്നേലിന് രണ്ടിന ചിഹ്നം നൽകില്ലെന്ന് യു.ഡി.എഫ് അറിയിച്ചിട്ടില്ലെന്ന് റോഷി അഗസ്റ്റിൻ എം.എൽ.എ. ചിഹ്നം അനുവദിക്കുന്നത് സംബന്ധിച്ച് യു.ഡി.എഫ് കൺവീനറും പ്രതിപക്ഷ നേതാവും തീരുമാനം കൈകൊള്ളും. ചർച്ചകൾ തുടരുകയാണെന്നും റോഷി അഗസ്റ്റിൻ അറിയിച്ചു.
യു.ഡി.എഫ് സ്ഥാനാർഥിയായ ജോസ് ടോമിന് രണ്ടില ചിഹ്നം നല്‍കില്ലെന്ന നിലപാടിലാണ് പി.ജെ ജോസഫ്. ചിഹ്നകാര്യത്തില്‍ വരണാധികാരിക്ക് തീരുമാനം എടുക്കാമെന്ന് മുഖ്യതെര‍ഞ്ഞെടുപ്പ് ഓഫീസര്‍ ടിക്കാറാം മീണ കഴിഞ്ഞദിവസം അറിയിച്ചിരുന്നു. അവകാശം ഉന്നയിക്കുന്നത് പാര്‍ട്ടിയുടെ യഥാര്‍ത്ഥ ഭാരവാഹികള്‍ ആയിരിക്കണമെന്നും വരണാധികാരിക്ക് തീരുമാനം എടുക്കാന്‍ കഴിഞ്ഞില്ലെങ്കില്‍ മാത്രമേ ഇടപെടൂ എന്നും ടിക്കാറാം മീണ വ്യക്തമാക്കിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.