രതീഷ്
പൊൻകുന്നം: യുവാവിനെ ആക്രമിച്ച് കൊലപ്പെടുത്താൻ ശ്രമിച്ച കേസിൽ അറസ്റ്റ്. ചിറക്കടവ് തെക്കേത്തുകവല വരവുകാലായിൽ വീട്ടിൽ വി.ജി. രതീഷിനെയാണ് (മണിക്കുട്ടൻ-39) പൊൻകുന്നം പൊലീസ് അറസ്റ്റ് ചെയ്തത്. ഇയാൾ ബൈക്കിൽ വരികയായിരുന്ന ചിറക്കടവ് കൊട്ടടിക്കുന്ന് സ്വദേശിയായ യുവാവിനെ ചീത്ത വിളിക്കുകയും കല്ലുകൊണ്ട് തലക്കിടിച്ച് കൊലപ്പെടുത്താൻ ശ്രമിക്കുകയുമായിരുന്നു. കഴിഞ്ഞ ദിവസം രാത്രി 8.30ഓടെ ചിറക്കടവ് കളമ്പുകാട്ട് കവല ഭാഗത്തായിരുന്നു സംഭവം. മുൻവൈരാഗ്യത്തെ തുടർന്നായിരുന്നു ആക്രമം.
പൊൻകുന്നം എസ്.എച്ച്.ഒ ടി. ദിലീഷ്, എസ്.ഐമാരായ കെ.ആർ. റെജിലാൽ, എം.ജെ. സുനിൽകുമാർ, ഡി. സുഭാഷ്, സി.പി.ഒ ഷാജി ചാക്കോ എന്നിവർ ചേർന്നാണ് ഇയാളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.