ഓടുന്ന ആംബുലൻസിൽനിന്ന്​ തെറിച്ചുവീണ നഴ്സിന് പരിക്ക്

കോട്ടക്കൽ: ഓടിക്കൊണ്ടിരുന്ന ആംബുലൻസിൽനിന്ന്​ തെറിച്ചുവീണ നഴ്സിന് പരിക്ക്. തിരൂർ കുറ്റിപ്പാലയിൽ ഞായറാഴ്ച രാവിലെ 11.45നാണ്​  സംഭവം. തലക്ക് പരിക്കേറ്റ 108 ആംബുലൻസിലെ നിത്യ എന്ന നഴ്സിനെ  മഞ്ചേരി മെഡിക്കൽ കോളേജിൽ പ്രവേശിപ്പിച്ചു.

തിരൂരിൽനിന്ന്​ മലപ്പുറം ഭാഗത്തേക്ക് പോകുകയായിരുന്ന ആംബുലൻസാണ് അപകടത്തിൽപ്പെട്ടത്. സ്ഥിരം അപകടമേഖലയായ കുറ്റിപ്പാല വളവിൽ വെച്ച് ആംബുലൻസിൽനിന്ന്​ നഴ്സ് പുറത്തേക്ക്​വീഴുകയായിരുന്നു. 

മുൻവശത്തെ സീറ്റിലാണ് നഴ്സ് ഇരുന്നിരുന്നത്. ഉടൻ തന്നെ ഈ ആംബുലൻസിൽ ഇവരെ മഞ്ചരിയിലേക്ക് എത്തിച്ചു. ചികിത്സക്ക്​ ശേഷം ഇവർ വീട്ടിലേക്ക്​ മടങ്ങി.