നീലേശ്വരം: നീലേശ്വരം നഗരസഭ കടിഞ്ഞിമൂല ജി.ഡബ്ല്യു എൽ.പി സ്കൂൾ മൈതാനത്ത് നിർമിച്ച ഇൻഡോർ ഷട്ടിൽ സ്റ്റേഡിയം ഉദ്ഘാടനത്തിനൊരുങ്ങി. അത്യാധുനിക സൗകര്യങ്ങളോടെ 40 ലക്ഷം രൂപ ചെലവഴിച്ചാണ് നഗരസഭ ഇൻഡോർ ഷട്ടിൽ സ്റ്റേഡിയം നിർമിച്ചത്.
അന്താരാഷ്ട്ര നിലവാരത്തിൽ തയാറാക്കിയ സ്റ്റേഡിയം ഉപയോഗപ്പെടുത്തി മികച്ച കായികതാരങ്ങളെ വളർത്തിയെടുക്കുകയാണ് നഗരസഭയുടെ ലക്ഷ്യം.കായിക താരങ്ങളെയും വിദഗ്ധരെയും ഉൾപ്പെടുത്തി രൂപവത്കരിക്കുന്ന കമ്മിറ്റിയുടെ മേൽനോട്ടത്തിലായിരിക്കും സ്റ്റേഡിയത്തിെൻറ നടത്തിപ്പ്.
ഷട്ടിൽ ബാഡ്മിൻറൺ കളിയിൽ താൽപര്യമുള്ള യുവാക്കളെയും വിദ്യാർഥിനികളെയും കണ്ടെത്തി വിദഗ്ധ പരിശീലനം നൽകുന്നതിനുള്ള പദ്ധതിയും ആവിഷ്കരിച്ചിട്ടുണ്ട്. ആഗസ്റ്റ് അവസാന വാരത്തിൽ ഉദ്ഘാടനം നടത്താനുള്ള ശ്രമത്തിലാണ് നഗരസഭ ഭരണസമിതി.
നിർമാണ പ്രവർത്തനങ്ങൾ വിലയിരുത്തുന്നതിനുവേണ്ടി നഗരസഭ ചെയർമാൻ പ്രഫ. കെ.പി. ജയരാജൻ, വൈസ് ചെയർപേഴ്സന വി. ഗൗരി, സ്ഥിരം സമിതി ചെയർമാന്മാരായ പി.പി. മുഹമ്മദ് റാഫി, എ.കെ. കുഞ്ഞികൃഷ്ണൻ, കൗൺസിലർ കെ. തങ്കമണി എന്നിവർ ഇൻഡോർ സ്റ്റേഡിയം സന്ദർശിച്ച് ഉദ്യോഗസ്ഥരുമായി ചർച്ച നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.