കൊല്ലം: യുവതിയെയും കുടുംബത്തെയും ആക്രമിച്ച് കൊലപ്പെടുത്താൻ ശ്രമിച്ച കേസിലെ പ്രതികളെ പാരിപ്പള്ളി പൊലീസ് പിടികൂടി. ഒന്നാംപ്രതി നടക്കൽ അശ്വതി ഭവനത്തിൽ രാഹുൽ രാജ് (അപ്പൂട്ടി 23), രണ്ടാംപ്രതി വിളവൂർകോണം ചരുവിള പുത്തൻ വീട്ടിൽ അനു മോഹൻ (കൊച്ചുണ്ണി 23) എന്നിവരെയാണ് അറസ്റ്റ് ചെയ്്തത്.
ജൂലൈ ഒന്നിന് പാരിപ്പള്ളി കുഴിവേലി കിഴക്കുകരയിൽ വീടിനടുത്തുള്ള കടയിൽ പോകുകയായിരുന്ന യുവതിയെ ബൈക്കിൽ വന്ന പ്രതികൾ മുൻ വിരോധത്തിൽ അസഭ്യം പറയുകയും കടന്നുപിടിക്കുകയും ചെയ്തു. നിലവിളി കേട്ട് ഓടിയെത്തിയ യുവതിയുടെ സഹോദരനെയും തടസ്സം പിടിക്കാനെത്തിയ യുവതിയുടെ അമ്മയെയും ആക്രമിച്ചു. തുടർന്ന് യുവതിയെയും ക്രൂരമായി മർദിച്ചു.
സംഭവം കണ്ട് അവിടേക്ക് വന്ന യുവതിയുടെ പിതാവിെൻറ തലയിൽ കമ്പി വടികൊണ്ട് അടിച്ചു പരിക്കേൽപ്പിക്കുകയും ചെയ്തു. പാരിപ്പള്ളി സ്റ്റേഷനിലെ സബ് ഇൻസ്പെക്ടർമാരായ നൗഫൽ, ജെയിംസ് ഉദ്യോഗസ്ഥരായ അജു ഫെർണാണ്ടസ്, ജെയിൻ എന്നിവരാണ് പ്രതികളെ പിടികൂടിയത്. കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.