കൊട്ടാരക്കര ഡിപ്പോയിൽ നിന്ന് കാണാതായ കെ.എസ്.ആർ.ടി.സി ബസ് കണ്ടെത്തി

കൊട്ടാരക്കര: കൊ​ട്ടാ​ര​ക്ക​ര ഡി​പ്പോ​യി​ൽ നി​ന്നും കാ​ണാ​താ​യ കെ.എസ്.ആർ.ടി.സി ബസ് കണ്ടെത്തി. കൊ​ല്ലം പാ​രി​പ്പ​ള്ളി​യി​ലാ​ണ് ബ​സ് ഉ​പേ​ക്ഷി​ച്ച നി​ല​യി​ൽ ക​ണ്ടെ​ത്തി​യ​ത്. എന്നാൽ ബസ് പാരിപ്പള്ളിയിൽ എത്തിയത് എങ്ങനെയെന്ന് വ്യക്തമല്ല. സം​ഭ​വ​ത്തി​ൽ പോ​ലീ​സ് അ​ന്വേ​ഷ​ണം തു​ട​രു​ക​യാ​ണ്. സി​.സി.​ടി​.വി കേ​ന്ദ്രീ​ക​രി​ച്ചു​ള്ള അ​ന്വേ​ഷ​ണ​മാ​ണ് ന​ട​ക്കു​ന്ന​ത്.

കഴിഞ്ഞ ദിവസം രാത്രി സർവീസ് അവസാനിപ്പിച്ച് ഡിപ്പോയ്ക്ക് വെളിയിലായി റോഡരികിൽ പാർക്ക് ചെയ്തിരുന്ന ആർ.എ.സി 354 വേണാഡ് ബസ് ആണ് കാണാതായത്. രാവിലെ സർവീസ് ആരംഭിക്കുന്നതിനായി ഡിപ്പോയിലെത്തിയ ഡ്രൈവർ നടപടി ക്രമങ്ങൾ പൂർത്തിയാക്കി ബസ് എടുക്കുന്നതിനായി അന്വേഷിച്ചപ്പോഴാണ് ബസ് കാണാനില്ലാത്ത വിവരം അറിയുന്നത്.

ഏതെങ്കിലും ഡ്രൈവർ വണ്ടി മാറിയെടുത്ത് പോയതാകാമെന്ന ധാരണയിൽ, ഡിപ്പോയിൽ നിന്ന് പോയ മുഴുവൻ ഡ്രൈവർമാരെയും ബന്ധപ്പെട്ടു. എന്നാൽ ആർക്കും വണ്ടിയെക്കുറിച്ച് ധാരണയില്ലായിരുന്നു. പൊലീസ് നടത്തിയ തെരച്ചിലിലാണ് ബസ് പാരിപ്പള്ളിയിലുണ്ടെന്ന് കണ്ടെത്തിയത്.  

ബസ് കാണാതായതിൽ ദുരൂഹത നിലനിൽക്കുന്നതായി പൊലീസ് പറഞ്ഞു.