പരപ്പനങ്ങാടി: പ്രായപൂർത്തിയാവാത്ത പെൺകുട്ടിയെ പീഡിപ്പിച്ച സംഭവത്തിൽ യുവാവിനെ പോലീസ് അറസ്റ്റ് ചെയ്തു. പരപ്പനങ്ങാടി പാലത്തിങ്ങൽ ചീർപ്പിങ്ങൽ സ്വദേശിയായ ചപ്പങ്ങത്തിൽ അസ്ലമിനെയാണ് (26) 13 കാരിയായ പെൺകുട്ടിയുടെ പരാതി പ്രകാരം പിടികൂടിയത്. പോസ്കൊ വകുപ്പ് പ്രകാരം പരപ്പനങ്ങാടി എസ്.െഎ രഞ്ജിത്താണ് യുവാവിനെ അറസ്റ്റ് ചെയ്തത്.
പ്രതി മാസങ്ങൾക്ക് മുൻപ്പ്പെൺകുട്ടിയെ രാത്രിയിൽ വീട്ടിലെത്തി പീഡിപ്പിക്കാൻ ശ്രമിച്ചത് മൊബൈൽ ഫോണിൽ പകർത്തിയിരുന്നു. ഇത് കാണിച് ഭീഷണിപ്പെടുത്തി 2 തവണ പീഡിപ്പിച്ചതിനാണ് കേസ്. സംഭവത്തെ തുടർന്ന് മാനസികമായി തകർന്ന കുട്ടിയുടെ പെരുമാറ്റത്തിൽ സംശയം തോന്നി ചോദ്യം ചെയ്തപ്പോഴാണ് സംഭവം പുറത്തായത്.
ശേഷം പരപ്പനങ്ങാടി പോലീസിൽ പരാതി നൽകിയതിനെ തുടർന്നാണ് വിവാഹിതനായ യുവാവിനെ പോലീസ് പിടികൂടിയത്. പീഡനത്തിനിരയായ പെൺകുട്ടി മജിസ്ട്രേറ്റിന് മുൻപിൽ നേരിട്ടെത്തി മൊഴി നൽകി. അസ്ലമിനെ കോടതിയിൽ ഹാജരാക്കി റിമാൻറ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.