പാനൂ​രിലെ രക്തസാക്ഷി സ്മാരക മ​ന്ദി​രം; പിന്മാറ്റത്തെ കുത്തി സൈബറിടം

ക​ണ്ണൂ​ർ: പാ​നൂ​ർ ചെ​​റ്റ​​ക്ക​​ണ്ടി​​യി​​ലെ ഷൈ​​ജു​വി​ന്റെ​യും സു​​ബീ​​ഷി​ന്റെ​യും സ്മാ​ര​ക മ​​ന്ദി​​ര​ത്തി​ന്റെ ഉ​​ദ്ഘാ​​ട​​ന​ ച​ട​ങ്ങി​​ൽ​നി​ന്ന് സി.​പി.​എം സം​​സ്ഥാ​​ന സെ​​ക്ര​​ട്ട​​റി എം.​​വി. ഗോ​​വി​​ന്ദ​​ൻ വി​ട്ടു​നി​ന്ന​തി​നെ ചൊ​ല്ലി സൈ​ബ​റി​ട​ത്തി​ൽ വി​മ​ർ​ശ​നം. ഭ​ര​ണ​ത്തേ​യും സ​ർ​ക്കാ​റി​നേ​ക്കാ​ളും വ​ലു​താ​ണ് ഓ​രോ സ​ഖാ​വി​നും പ്ര​സ്ഥാ​ന​മെ​ന്നും ര​ക്ത​സാ​ക്ഷി​ക​ൾ ക​ഴി​ഞ്ഞി​ട്ടേ ബാ​ക്കി എ​ന്തും ഉ​ള്ളൂ​വെ​ന്നും ഓ​ർ​മ​പ്പെ​ടു​ത്തി ഫേ​സ്ബു​ക്കി​ൽ നേ​തൃ​ത്വ​ത്തെ പ​രോ​ക്ഷ​മാ​യി ചോ​ദ്യം ചെ​യ്യു​ക​യാ​ണ് പാ​ർ​ട്ടി അ​ണി​ക​ൾ.

‘പ്രി​യ സ​ഖാ​ക്ക​ളു​ടെ ജീ​വ​നും അ​തി​നേ​ക്കാ​ൾ കൂ​ടു​ത​ൽ സ​ഖാ​ക്ക​ളു​ടെ ജീ​വി​ത​വും പ​ണ​യം​വെ​ക്കേ​ണ്ടി വ​ന്ന ഇ​ന്ന​ലെ​ക​ളെ മ​റ​ക്കാ​ൻ ഞ​ങ്ങ​ളെ​ക്കൊ​ണ്ട് സാ​ധി​ക്കു​ന്ന​ത​ല്ല. അ​തൊ​ന്നും​ത​ന്നെ മ​റ​വി​യു​ടെ മാ​റാ​ല​ക്കു​രു​ക്കി​ൽ​പെ​ട്ട് ഇ​ല്ലാ​താ​വാ​നും പോ​കു​ന്നി​ല്ലെ​ന്ന്’ ജ​യ​കൃ​ഷ്ണ​ൻ മാ​സ്റ്റ​ർ വ​ധ​ക്കേ​സി​ലെ പ്ര​തി പ്ര​ദീ​പ​ൻ മൊ​കേ​രി ഫേ​സ്ബു​ക്കി​ൽ കു​റി​ച്ചു. ഇ​തി​നു താ​ഴെ ഒ​ട്ടേ​റെ പ്ര​വ​ർ​ത്ത​ക​രാ​ണ് ക​മ​ന്റു​ക​ളാ​യി പാ​ർ​ട്ടി​യെ പ​രോ​ക്ഷ​മാ​യി ഉ​ന്നം​​വെ​ക്കു​ന്ന​ത്.

ബോം​ബ് നി​ർ​മാ​ണ​ത്തി​നി​ടെ കൊ​ല്ല​പ്പെ​ട്ട ചെ​​റ്റ​​ക്ക​​ണ്ടി​​യി​​ലെ ഷൈ​​ജു, സു​​ബീ​​ഷ് എ​​ന്നി​​വ​​രു​​ടെ പേ​​രി​​ൽ സി.​​പി.​​എം നി​​ർ​​മി​​ച്ച ര​​ക്ത​​സാ​​ക്ഷി മ​​ന്ദി​​രം എം.​വി. ഗോ​വി​ന്ദ​ൻ ഉ​ദ്ഘാ​ട​നം ചെ​യ്യു​മെ​ന്നാ​ണ് നേ​ര​ത്തേ അ​റി​യി​ച്ചി​രു​ന്ന​ത്. അ​തി​ന​നു​സ​രി​ച്ച് ശി​​ലാ​​ഫ​​ല​​ക​​വും ത​​യാ​​റാ​​ക്കി. അ​​വ​​സാ​​ന നി​മി​ഷ​മാ​ണ് ഉ​ദ്ഘാ​ട​ക​നാ​യി ജി​​ല്ല സെ​​ക്ര​​ട്ട​​റി എം.​​വി. ജ​​യ​​രാ​​ജ​​​നെ നി​ശ്ച​യി​ച്ച​ത്. ബോം​ബ് നി​ർ​മാ​ണ​ത്തി​നി​ടെ മ​രി​ച്ച​വ​രെ ര​ക്ത​സാ​ക്ഷി​ക​ളാ​ക്കി​യ​ത് ദേ​ശീ​യ മാ​ധ്യ​മ​ങ്ങ​ൾ​വ​രെ വാ​ർ​ത്ത​യാ​ക്കി​യ​പ്പോ​ഴാ​ണ് ക​ണ്ണൂ​രി​ലു​ണ്ടാ​യി​ട്ടും സം​സ്ഥാ​ന സെ​ക്ര​ട്ട​റി പി​ൻ​മാ​റി​യ​തെ​ന്നാ​ണ് സൂ​ച​ന.