മലപ്പുറം: ജില്ലയില് ഞായറാഴ്ച 126 പേര്ക്ക് കൂടി കോവിഡ് സ്ഥിരീകരിച്ചു. ഇതില് 117 പേര്ക്കും സമ്പര്ക്കത്തിലൂടെയാണ് രോഗം ബാധിച്ചത്. അതേസമയം, 44 പേര്ക്ക് രോഗം ഭേദമായി.
32,657 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 857 പേര് വിവിധ ആശുപത്രികളില് നിരീക്ഷണത്തിലുണ്ട്. മഞ്ചേരി ഗവ. മെഡിക്കല് കോളജ് ആശുപത്രിയില് 496 പേരും, തിരൂരങ്ങാടി താലൂക്ക് ആശുപത്രിയില് 11 പേരും, തിരൂര് ജില്ലാ ആശുപത്രിയില് മൂന്ന് പേരും, നിലമ്പൂര് ജില്ലാ ആശുപത്രിയില് അഞ്ച് പേരും, കാളികാവ് പ്രത്യേക ചികിത്സാ കേന്ദ്രത്തില് 75 പേരും, മഞ്ചേരി മുട്ടിപ്പാലം പ്രത്യേക ചികിത്സാ കേന്ദ്രത്തില് 48 പേരും, കരിപ്പൂര് ഹജ്ജ് ഹൗസില് 63 പേരും, കാലിക്കറ്റ് സര്വ്വകലാശാലയിലെ പ്രത്യേക ചികിത്സാ കേന്ദ്രത്തില് 156 പേരുമാണ് ഉള്ളത്.
30,470 പേര് വീടുകളിലും 1,330 പേര് കോവിഡ് കെയര് സെന്ററുകളിലുമായി പ്രത്യേക നിരീക്ഷണത്തിലുണ്ട്.
ജില്ലയില് നിന്ന് ഇതുവരെ ആര്.ടി.പി.സി.ആര്, ആന്റിജന് വിഭാഗങ്ങളിലുള്പ്പടെ 66,793 പേരുടെ സാമ്പിളുകള് പരിശോധനക്കയച്ചു. ഇതില് 65,032 പേരുടെ ഫലം ലഭ്യമായി. ഇതില് 59,565 പേര്ക്കാണ് വൈറസ് ബാധയില്ലെന്ന് സ്ഥിരീകരിച്ചത്.
രോഗികളുമായി സമ്പര്ക്കമുണ്ടായവര് ആരോഗ്യ വകുപ്പിനെ അറിയിക്കണം
രോഗം സ്ഥിരീകരിച്ചവരുമായി ഏതെങ്കിലും വിധത്തില് സമ്പര്ക്കമുണ്ടായിട്ടുള്ളവര് വീടുകളില് പ്രത്യേക മുറികളില് നിരീക്ഷണത്തില് കഴിയണം. ഈ വിവരം ആരോഗ്യ പ്രവര്ത്തകരെ അറിയിക്കണം. വീടുകളില് നിരീക്ഷണത്തിന് സൗകര്യമില്ലാത്തവര്ക്ക് സര്ക്കാര് ഒരുക്കിയ കോവിഡ് കെയര് സെന്ററുകള് ഉപയോഗപ്പെടുത്താം.
ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.