ഭീതി വിതച്ച് കാന്തൻപാറയിൽ കാട്ടാനക്കൂട്ടം

മൂ​പ്പൈ​നാ​ട്: കാ​ന്ത​ൻ​പാ​റ, ആ​ന​ടി​ക്കാ​പ്പ് ജ​ന​വാ​സ മേ​ഖ​ല​യി​ൽ ദി​വ​സ​ങ്ങ​ളോ​ള​മാ​യി കാ​ട്ടാ​ന​ക്കൂ​ട്ടം വി​ഹ​രി​ക്കു​ന്നു. തി​ങ്ക​ളാ​ഴ്ച രാ​വി​ലെ ആ​റ് ആ​ന​ക​ള​ട​ങ്ങി​യ കൂ​ട്ട​ത്തി​ന് മു​ന്നി​ൽ​പെ​ട്ട ഓ​ട്ടോ ഡ്രൈ​വ​റും ര​ണ്ട് യാ​ത്ര​ക്കാ​രും കാ​ട്ടു​കൊ​മ്പ​ന്റെ ആ​ക്ര​മ​ണ​ത്തി​ൽ​നി​ന്ന് ര​ക്ഷ​പെ​ട്ട​ത് ത​ല​നാ​രി​ഴ​ക്ക്. റി​പ്പ​ണി​ലെ ഓ​ട്ടോ ഡ്രൈ​വ​ർ ജ​മാ​ലും ര​ണ്ട് യാ​ത്ര​ക്കാ​രു​മാ​ണ് പാ​ഞ്ഞ​ടു​ത്ത കാ​ട്ടു​കൊ​മ്പ​ന് മു​മ്പി​ൽ​നി​ന്ന് ര​ക്ഷ​പെ​ട്ട​ത്.

റി​പ്പ​ൺ-​കാ​ന്ത​ൻ​പാ​റ റോ​ഡി​ൽ തി​ങ്ക​ളാ​ഴ്ച രാ​വി​ലെ ആ​റ് മ​ണി​ക്കാ​യി​രു​ന്നു സം​ഭ​വം. ആ​ന​ടി​ക്കാ​പ്പ് സ്വ​ദേ​ശി​യാ​യ ഒ​രു സ്ത്രീ​യും 10 വ​യ​സ്സു​ള്ള മ​ക​നു​മാ​യി​രു​ന്നു ജ​മാ​ലി​ന്‍റെ ഇ​ല​ക്ട്രി​ക് ഓ​ട്ടോ​യി​ലു​ണ്ടാ​യി​രു​ന്ന​ത്. അ​ഞ്ച് ആ​ന​ക​ളും ഒ​രു കു​ട്ടി​യു​മ​ട​ങ്ങു​ന്ന ആ​ന​ക്കൂ​ട്ട​ത്തി​ന് മു​ന്നി​ലേ​ക്കാ​ണ് ഇ​വ​ർ ചെ​ന്നു​പെ​ട്ട​ത്. ആ​ന​ക്കു​ട്ടി സ​മീ​പ​ത്തെ കാ​പ്പി​ത്തോ​ട്ട​ത്തി​ലേ​ക്ക് ഓ​ടി​യ​പ്പോ​ൾ മ​റ്റ് ആ​ന​ക​ളും പി​ന്നാ​ലെ ക​യ​റി. ഇ​തി​നി​ട​യി​ൽ പെ​ട്ടെ​ന്ന് തി​രി​ച്ച ഓ​ട്ടോ​ക്ക് നേ​രെ​യാ​ണ് കൂ​ട്ട​ത്തി​ലു​ണ്ടാ​യി​രു​ന്ന കൊ​മ്പ​ൻ ഓ​ടി​യ​ടു​ത്ത​ത്.

ഓ​ട്ടോ അ​തി​വേ​ഗം ഓ​ടി​ച്ചാ​ണ് ഇ​വ​ർ ത​ല​നാ​രി​ഴ​ക്ക് ര​ക്ഷ​പ്പെട്ട​ത്. മേ​പ്പാ​ടി ഡെ​പ്യൂ​ട്ടി റേ​ഞ്ച് ഫോ​റ​സ്റ്റ് ഓ​ഫി​സ​ർ കെ.​എ​സ്. മു​ത്ത​കു​മാ​റി​ന്‍റെ നേ​തൃ​ത്വ​ത്തി​ൽ വ​ന​പാ​ല​ക​ർ സ്ഥ​ല​ത്തെ​ത്തി പ​ട​ക്കം പൊ​ട്ടി​ച്ച് ആ​ന​ക​ളെ പു​ഴ​ക്ക് അ​ക്ക​രെ വ​ന പ്ര​ദേ​ശ​ത്തേ​ക്ക് തു​ര​ത്തി. എ​ന്നാ​ൽ, പി​ടി​യാ​ന​യും കു​ട്ടി​യും കൊ​മ്പ​നും ഇ​ക്ക​രെ​ത്ത​ന്നെ ത​ങ്ങി. കു​ട്ടി​യാ​ന​യെ​യും കൊ​ണ്ട് ശ​ക്ത​മാ​യ ഒ​ഴു​ക്കു​ള്ള പു​ഴ മു​റി​ച്ചു ക​ട​ക്കാ​ൻ പ്ര​യാ​സ​മാ​യ​തു​കൊ​ണ്ടാ​ണ് അ​വ പ്ര​ദേ​ശ​ത്ത് ത​ന്നെ ഏ​റെ നേ​രം നി​ല​യു​റ​പ്പി​ച്ച​ത്.

പു​ഴ​ക്ക് അ​ക്ക​രെ മു​ണ്ട​ക്കൈ ഫോ​റ​സ്റ്റ് സ്റ്റേ​ഷ​ൻ പ​രി​ധി​യി​ൽ​പ്പെ​ട്ട വ​ന​മാ​ണ്. പു​ഴ മു​റി​ച്ചു ക​ട​ന്നാ​ണ് ആ​ന​ക്കൂ​ട്ടം കാ​ന്ത​ൻ പാ​റ​യി​ലേ​ക്കെ​ത്തി​യ​ത്. വ​ന​പാ​ല​ക​ർ സ്ഥ​ല​ത്ത് ക്യാ​മ്പ് ചെ​യ്യു​ന്നു​ണ്ട്. വ​നാ​തി​ർ​ത്തി​യി​ൽ 500 മീ​റ്റ​ർ നീ​ള​ത്തി​ൽ വൈ​ദ്യു​തി ഫെ​ൻ​സി​ങ് നി​ർ​മി​ച്ചാ​ൽ മാ​ത്ര​മേ കാ​ട്ടാ​ന ശ​ല്യ​ത്തി​ന് പ​രി​ഹാ​ര​മാ​കൂ എ​ന്നാ​ണ് നാ​ട്ടു​കാ​ർ പ​റ​യു​ന്നു.