ദേവർഷോല വാച്ചി കൊല്ലി, കറക്കപാളി ഭാഗത്തേക്കുള്ള റോഡിന് കുറുകെ ട്രഞ്ച് കീറുന്നതിനെതിരെ നാട്ടുകാർ പ്രതിഷേധിക്കുന്നു
ഗൂഡല്ലൂർ: ഗ്രാമങ്ങളിലേക്കുള്ള റോഡ് തടയപ്പെട്ട് ട്രഞ്ച് കീറുന്നതിന് എതിരെ പ്രതിഷേധവുമായി നാട്ടുകാർ. ദേവർഷോല പഞ്ചായത്തിൽ ഉൾപ്പെട്ട വാച്ചികൊല്ലി, കറക്കപ്പാളി ഭാഗങ്ങളിലുള്ള കുടുംബങ്ങൾ ഉപയോഗിക്കുന്ന റോഡിന് കുറുകെയാണ് ആനകൾ വരാതിരിക്കാനുള്ള പ്രതിരോധ ട്രഞ്ച് നിർമാണം വനപാലകർ ആരംഭിച്ചത്. റോഡ് തടസ്സപ്പെടുത്തിയുള്ള ട്രഞ്ച് നിർമാണം പട്ടയ ഭൂമിയിൽ താമസിക്കുന്ന 11 കുടുംബങ്ങൾക്ക് ഗതാഗത മാർഗം ഇല്ലാതാകുമെന്നായിരുന്നു പ്രദേശവാസികളുടെ നിലപാട്. മറ്റ് പ്രതിരോധ മാർഗങ്ങൾ സ്വീകരിക്കണമെന്നാവശ്യപ്പെട്ടായിരുന്നു പ്രതിഷേധം. ചെയർമാൻ യൂനുസ് ബാബു ഉൾപ്പെടെയുള്ള വാർഡ് കൗൺസിലർമാരും മറ്റ് ജനപ്രതിനിധികളും റവന്യൂ അധികൃതരും വനപാലകരുമായി ചർച്ച നടത്തി. താൽക്കാലികമായി നിർമാണം നിർത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.