കു​രു​ക്ക​ഴി​യാ​തെ ചു​രം

ക​ല്‍പ​റ്റ: വ​യ​നാ​ട് ചു​ര​ത്തി​ല്‍ ഗ​താ​ഗ​ത​കു​രു​ക്ക് രൂ​ക്ഷ​മാ​കു​മ്പോ​ഴും പ​രി​ഹാ​ര​ത്തി​നു​ള്ള തീ​രു​മാ​ന​ങ്ങ​ൾ ക​ട​ലാ​സി​ലൊ​തു​ങ്ങു​ന്നു. ചു​ര​ത്തി​ല്‍ ഗ​താ​ഗ​ത​കു​രു​ക്ക് രൂ​ക്ഷ​മാ​യ സാ​ഹ​ച​ര്യ​ത്തി​ല്‍ ക​ഴി​ഞ്ഞ ഫെ​ബ്രു​വ​രി 22ന് ​വ​യ​നാ​ട്,കോ​ഴി​ക്കോ​ട് ക​ല​ക്ട​ര്‍മാ​ര്‍ ന​ട​ത്തി​യ ച​ര്‍ച്ച​യി​ല്‍ ല​ക്കി​ടി​യി​ലും അ​ടി​വാ​ര​ത്തും ക്ര​യി​ന്‍ സം​വി​ധാ​നം ഒ​രു​ക്കു​ന്ന​തി​ന് അ​ടി​യ​ന്ത​ര ന​ട​പ​ടി സ്വീ​ക​രി​ക്കാ​ൻ തീ​രു​മാ​നി​ച്ചി​രു​ന്നു. അ​വ​ധി ദി​വ​സ​ങ്ങ​ളി​ൽ ഉ​ൾ​പ്പെ​ടെ ഗ​താ​ഗ​ത​കു​രു​ക്ക് രൂ​ക്ഷ​മാ​വു​ന്ന സ​മ​യ​ത്ത് ചു​ര​ത്തി​ല്‍ സ്ഥി​ര​മാ​യി പൊ​ലീ​സി​നെ നി​യോ​ഗി​ക്കു​മെ​ന്നാ​യി​രു​ന്നു പ്ര​ഖ്യാ​പ​നം. നാ​ലു മാ​സ​മാ​കാ​റാ​യി​ട്ടും പ്ര​ഖ്യാ​പ​ന​ങ്ങ​ളൊ​ന്നും ന​ട​പ്പി​ലാ​യി​ല്ലെ​ന്നു മാ​ത്ര​മ​ല്ല അ​നു​ദി​നം കു​രു​ക്ക് രൂ​ക്ഷ​മാ​വു​ക​യു​മാ​ണ്. അ​വ​ധി ദി​വ​സ​ങ്ങ​ളി​ൽ രാ​വി​ലെ മു​ത​ൽ രാ​ത്രി വ​രെ വ​ലി​യ വാ​ഹ​ന​ങ്ങ​ൾ​ക്ക് നി​യ​ന്ത്ര​ണം ഏ​ർ​പ്പെ​ടു​ത്താ​നു​ള്ള തീ​രു​മാ​ന​വും എ​ങ്ങും എ​ത്തി​യി​ല്ല.

അ​വ​ധി ദി​ന​ത്തി​ൽ ചു​രം യാ​ത്ര ക​ഠി​നം...

അ​വ​ധി ദി​വ​സ​ങ്ങ​ളി​ൽ ചു​രം ക​ട​ക്കാ​ൻ പ​ല​പ്പോ​ഴും മ​ണി​ക്കൂ​റു​ക​ൾ വേ​ണം. വേ​ന​ല​വ​ധി സ​മ​യ​ത്ത് മി​ക്ക ദി​വ​സ​ങ്ങ​ളി​ലും ചു​ര​ത്തി​ൽ ഗ​താ​ത​കു​രു​ക്ക് അ​തി​രൂ​ക്ഷ​മാ​യി​രു​ന്നു. ഇ​പ്പോ​ൾ പ്ര​ധാ​ന​മാ​യും ശ​നി, ഞാ​യ​ര്‍ ദി​വ​സ​ങ്ങ​ളി​ലാ​ണ് കു​രു​ക്ക് കൂ​ടു​ത​ൽ. അ​വ​ധി ദി​വ​സ​ങ്ങ​ളി​ല്‍ വി​നോ​ദ​സ​ഞ്ചാ​ര​ത്തി​നും മ​റ്റു​മെ​ത്തു​ന്ന​വ​രു​ടെ വാ​ഹ​ന​ങ്ങ​ള്‍ അ​ധി​ക​രി​ക്കു​ന്ന​താ​ണ് കാ​ര​ണം.

വ​ലി​യ വാ​ഹ​ന​ങ്ങ​ളു​ടെ പെ​രു​പ്പ​വും കാ​ര​ണ​മാ​യി പ​റ​യു​ന്നു. 25 ട​ണ്ണി​ൽ കൂ​ടു​ത​ൽ ശേഷിയുളള വാ​ഹ​ന​ങ്ങ​ൾ​ക്ക് ചു​ര​ത്തി​ൽ നി​രോ​ധ​ന​മു​ണ്ടെ​ങ്കി​ലും ആ​രും ശ്ര​ദ്ധി​ക്കാ​റി​ല്ല.

നി​ര തെ​റ്റി​ക്കു​ന്നു, കു​രു​ക്ക് മു​റു​കു​ന്നു

തി​ര​ക്കേ​റു​ന്ന സ​മ​യ​ത്ത് ചെ​റി​യ വാ​ഹ​ന​ങ്ങ​ൾ നി​ര തെ​റ്റി​ച്ച് മു​ന്നി​ലു​ള​ള വാ​ഹ​ന​ങ്ങ​ളെ മ​റി​ക​ട​ന്ന് പോ​കു​ന്ന​തു പ്ര​ശ്നം രൂ​ക്ഷ​മാ​ക്കു​ന്നു. ഒ​രേ ദി​ശ​യി​ൽ വാ​ഹ​ന​ങ്ങ​ൾ വ​രി​വ​രി​യാ​യി പോ​കു​ന്ന​തി​ന് പ​ക​രം ചി​ല​ർ മാ​ത്രം വ​രി ലം​ഘി​ച്ച് എ​തി​ർ​ദി​ശ​യി​ലൂ​ടെ ക​യ​റി​​പോ​കു​ന്ന​താ​ണ് പ്ര​ധാ​ന പ്ര​ശ്നം.

ഇ​തോ​ടെ, എ​തി​ർ​ദി​ശ​യി​ൽ നി​ന്നും വ​രു​ന്ന വാ​ഹ​ന​ങ്ങ​ൾ​ക്ക് മു​ന്നോ​ട്ട് പോ​കാ​നാ​കി​ല്ല. കൂ​ടാ​തെ, ആം​ബു​ല​ൻ​സ് അ​ട​ക്ക​മു​ള​ള അ​ടി​യ​ന്ത​ര​വാ​ഹ​ന​ങ്ങ​ൾ​ക്ക് വ​ഴി ത​ട​സ്സ​വു​മു​ണ്ടാ​ക്കു​ന്നു. അ​ത്യാ​സ​ന്ന നി​ല​യി​ല​യി​ലു​ള്ള രോ​ഗി​യെ കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ലേ​ക്കും മ​റ്റു ആ​ശു​പ​ത്രി​ക​ളി​ലേ​ക്കും കൊ​ണ്ടു​പോ​കു​ന്ന​തി​നു​ള്ള ഏ​ക​മാ​ർ​ഗം ചു​ര​മാ​ണ്.

ഗ​താ​ഗ​ത​കു​രു​ക്കു​ള​ള സ​മ​യ​ങ്ങ​ളി​ൽ നി​ര തെ​റ്റി​ച്ചു​പോ​ക​രു​തെ​ന്ന് നി​ര​വ​ധി ത​വ​ണ മോ​ട്ടോ​ർ വാ​ഹ​ന വ​കു​പ്പും പൊ​ലീ​സും നി​ർ​ദേ​ശം ന​ൽ​കി​യ​താ​ണ്. ചി​ല​ർ ഈ ​നി​ർ​ദേ​ശം അ​വ​ഗ​ണി​ക്കു​ന്ന​ത് ഗു​രു​ത​ര പ്ര​ശ്ന​ങ്ങ​ൾ​ക്കി​ട​യാ​ക്കു​ന്നു.

ക്ര​യി​ൻ സൗ​ക​ര്യ​വും ന​ട​പ്പാ​യി​ല്ല

വ​ലി​യ വാ​ഹ​ന​ങ്ങ​ള്‍ ചു​ര​ത്തി​ല്‍ ത​ക​രാ​റാ​കു​ന്ന​ത് ഗ​താ​ഗ​ത​കു​രു​ക്കി​ന് മ​റ്റൊ​രു കാ​ര​ണ​മാ​ണ്. ഇ​ത്ത​ര​ത്തി​ല്‍ ത​ക​രാ​റി​ലാ​കു​ന്ന വാ​ഹ​ന​ങ്ങ​ള്‍ എ​ടു​ത്തു മാ​റ്റാ​നാ​യി​രു​ന്നു ക്ര​യി​ന്‍ സൗ​ക​ര്യ​മൊ​രു​ക്കു​മെ​ന്ന പ്ര​ഖ്യാ​പ​നം ന​ട​ത്തി​യ​ത്. വ​ലി​യ ച​ര​ക്കു​ലോ​റി​ക​ൾ ചു​ര​ത്തി​ൽ കു​ടു​ങ്ങു​ന്ന​ത് നി​ത്യ സം​ഭ​വ​മാ​ണ്. അ​വ​ധി ദി​വ​സ​ങ്ങ​ളി​ൽ ഇ​രു വ​ശ​ങ്ങ​ളി​ലേ​ക്കും കി​ലോ​മീ​റ്റ​റു​ക​ളോ​ളം വാ​ഹ​ന​ങ്ങ​ളു​ടെ നീ​ണ്ട നി​ര ചു​ര​ത്തി​ലെ സ്ഥി​രം കാ​ഴ്ച​യാ​ണ്. അ​ടി​വാ​രം ഔ​ട്ട് പോ​സ്റ്റി​ലു​ള്ള പൊ​ലീ​സും ചു​രം സം​ര​ക്ഷ​ണ സ​മി​തി പ്ര​വ​ര്‍ത്ത​ക​രും ചേ​ർ​ന്നാ​ണ് പ​ല​പ്പോ​ഴും കു​രു​ക്ക് ഒ​ഴി​വാ​ക്കു​ന്ന​ത്. വാ​ഹ​ന​ങ്ങ​ള്‍ ഒ​മ്പ​താം വ​ള​വി​ന് മു​ക​ളി​ൽ ചു​രം വ്യൂ ​പോ​യി​ന്റി​ല്‍ അ​ന​ധി​കൃ​ത​മാ​യി നി​ര്‍ത്തി​യി​ടു​ന്ന​തും പ​തി​വു​കാ​ഴ്ച​യാ​ണ്. വ​യ​നാ​ട്ടി​ലെ ചി​ല ക്വാ​റി​ക​ൾ നി​ർ​ത്തി​യ​തോ​ടെ മ​റ്റു ജി​ല്ല​ക​ളി​ൽ നി​ന്ന് ക്വാ​റി ഉ​ൽ​പ​ന്ന​ങ്ങ​ളു​മാ​യി വ​രു​ന്ന ടി​പ്പ​ര്‍ ലോ​റി​ക​ളു​ടെ എ​ണ്ണ​വും ഇ​പ്പോ​ൾ വ​ള​രെ കൂ​ടു​ത​ലാ​ണ്. ചു​രം ബ​ദ​ല്‍പാ​ത വ​ർ​ഷ​ങ്ങ​ളാ​യി കേ​ൾ​ക്കു​ന്ന മു​റ​വി​ളി​യാ​ണെ​ങ്കി​ലും ചു​ര​ത്തി​ന​പ്പു​റ​ത്തേ​ക്ക് ആ​രു കാ​ര്യ​മാ​യി ഗൗ​നി​ക്കാ​റി​ല്ല.