ബാവലി: 17.28 ലിറ്റർ കർണാടക നിർമിത മദ്യവുമായി ഒരാളെ എക്സൈസ് ഉദ്യോഗസ്ഥർ പിടികൂടി. എച്ച്.ഡി കോട്ട ബാവലി വില്ലേജിലെ മഹേഷ് (25) ആണ് അറസ്റ്റിലായത്. മദ്യം കടത്താനുപയോഗിച്ച ഓട്ടോറിക്ഷയും ഉദ്യോഗസ്ഥർ കസ്റ്റഡിയിലെടുത്തു. മാനന്തവാടി എക്സൈസ് സർക്കിൾ ഇൻസ്പെക്ടർ സജിത് ചന്ദ്രനും സംഘവും ബാവലി എക്സൈസ് ചെക്ക്പോസ്റ്റ് ടീമിന്റെ സഹകരണത്തോടെ ശനിയാഴ്ച 11.30ഓടെ നടത്തിയ പരിശോധനയിലാണ് മഹേഷ് പിടിയിലായത്.
കാട്ടിക്കുളം കേന്ദ്രീകരിച്ച് വിൽപനക്കായി കൊണ്ടുപോവുകയായിരുന്ന മദ്യമായിരുന്നു ഇതെന്ന് ഉദ്യോഗസ്ഥർ പറഞ്ഞു. എക്സൈസ് ഇൻസ്പെക്ടർ മുരുകദാസ്, സിവിൽ എക്സൈസ് ഓഫിസർമാരായ വി.കെ. സുരേഷ്, കെ.എസ്. സനൂപ്, ഹാഷിം എന്നിവരും പരിശോധനയിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.