ആദിവാസി കോവിഡ് രോഗികൾ കിടന്നത് നിലത്ത്

ആദിവാസി കോവിഡ് രോഗികൾ കിടന്നത് നിലത്ത്ഡൊമിസിലറി സൻെററിൽ സൗകര്യം ഒരുക്കിയില്ലെന്ന് പരാതി മാനന്തവാടി: ആദിവാസികളായ കോവിഡ് രോഗികൾക്ക് നഗരസഭക്കു കീഴിലെ ഡൊമിസിലറി കെയർ സൻെററിൽ (ഡി.സി.സി) അടിസ്ഥാന സൗകര്യം ഒരുക്കിയില്ലെന്ന് പരാതി. വരടിമൂല കോളനിയിലെ 18 രോഗികൾ വ്യാഴാഴ്ച രാത്രി അന്തിയുറങ്ങിയത് നിലത്ത് പായവിരിച്ച്. മാനന്തവാടി വരടിമൂല കോളനിയിൽ നടത്തിയ ക്യാമ്പിലാണ് ഇവർക്ക് കോവിഡ് സ്ഥിരീകരിച്ചത്. കോവിഡ് കെയർ സൻെററുകളിൽ എത്തിക്കുന്ന രോഗികൾക്ക് കിടക്കകളും മറ്റ് സൗകര്യങ്ങളും ഒരുക്കണമെന്ന് സർക്കാർ നിർദേശം നഗരസഭ അവഗണിച്ചതായി പരാതി ഉയർന്നു. അതേസമയം ഉച്ചക്ക് ഒന്നോടെ കോവിഡ് സ്ഥിരീകരിച്ച രോഗികളെ രാത്രി എട്ടോടെയാണ് ചെറ്റപ്പാലത്തെ നിരീക്ഷണ കേന്ദ്രത്തിൽ എത്തിച്ചത്. രാത്രി വൈകിയതിനാലാണ് സൗകര്യം ഒരുക്കാൻ കഴിയാതിരുന്നതെന്നാണ് നഗരസഭയുടെ വിശദീകരണം. നിലവിൽ 65 കിടക്കകളാണ് ഇവിടെയുള്ളത്. ഇതിൽ മുഴുവനും രോഗികളാണ്. സംഭവം വിവാദമായതോടെ നഗരസഭാധികൃതർ വെള്ളിയാഴ്ച രാവിലെ സൗകര്യപ്രദമായ സ്ഥലത്തേക്ക് ഈ രോഗികളെ മാറ്റാൻ ശ്രമിച്ചെങ്കിലും ഇവർ തയാറായില്ല. തുടർന്ന് ഇവിടെ തന്നെ കട്ടിലുകൾ ഉൾപ്പെടെയുള്ള സൗകര്യങ്ങൾ ഒരുക്കുകയായിരുന്നു. അതിനിടെ നഗരസഭ പുതിയ കോവിഡ് നിരീക്ഷണ കേന്ദ്രം ആരംഭിക്കാനുള്ള നടപടി തുടങ്ങി. മാനന്തവാടി ഗവ. വൊക്കേഷനൽ ഹയർ സെക്കൻഡറി സ്കൂളിലെ പുതിയ ബ്ലോക്കിൽ 150 പേർക്ക് കിടക്കാനുള്ള സൗകര്യങ്ങളാണ് സജ്ജീകരിക്കുന്നത്. FRIWDL7കോവിഡ് സ്ഥിരീകരിച്ച ആദിവാസി നിലത്ത് കിടക്കുന്നുരാഷ്​ട്രീയ മുതലെടുപ്പിന് ശ്രമം –നഗരസഭമാനന്തവാടി: കോവിഡ് രോഗികൾക്ക് ഡൊമിസിലറി സൻെററിൽ മതിയായ സൗകര്യങ്ങൾ ലഭിച്ചില്ലെന്ന സംഭവത്തിൽ സി.പി.എം രാഷ്​ട്രീയ മുതലെടുപ്പിന് ശ്രമിക്കുകയാണെന്ന്​ മാനന്തവാടി നഗരസഭ ഭരണസമിതി വാർത്തസമ്മേളനത്തിൽ ആരോപിച്ചു. പ്രചാരണം രാഷ്​ട്രീയപ്രേരിതമാണ്. മെഡിക്കൽ ഓഫിസറുടെ പോലും അനുമതിയില്ലാതെ സി.പി.എം വാർഡ് കൗൺസിലർ രോഗികളെ സൻെററിൽ പ്രവേശിപ്പിക്കുകയായിരുന്നു. ഇതിൽ ദുരൂഹതയുണ്ട്. കോവിഡ് പ്രതിരോധ പ്രവർത്തനങ്ങൾ നല്ല രീതിയിലാണ് മാനന്തവാടി നഗരസഭയിൽ നടന്നുവരുന്നത്. കൗൺട്രോൾ റൂമും ചെറ്റപ്പാലം സൻെറ് പാട്രിക്സ് സ്കൂളിൽ 65 പേർക്കുള്ള ഡൊമിസിലറി കെയർ സൻെററും പ്രവർത്തിക്കുന്നുണ്ട്. ഈ സൻെററിലേക്കാണ് വ്യാഴാഴ്ച വരടിമൂല കോളനിയിലെ 18 കോവിഡ് രോഗികളെ വാർഡ് കൗൺസിലറുടെ തീരുമാനപ്രകാരം എത്തിക്കുന്നത്. സ്ഥലസൗകര്യങ്ങൾ പരിമിതമാണെന്ന് രോഗികളെ ബോധ്യപ്പെടുത്തുകയും ഒരു രാത്രി മാത്രം ഇവിടെ കഴിയണമെന്നും വെള്ളിയാഴ്ച രാവിലെ തന്നെ മറ്റ് സൗകര്യങ്ങൾ ഒരുക്കുമെന്നും പറഞ്ഞാണ് ഇവിടെ പ്രവേശിപ്പിച്ചത്. പിന്നീട് വെള്ളിയാഴ്ച രാവിലെ അടിസ്ഥാനരഹിതമായ വാർത്ത പ്രചരിപ്പിക്കുകയാണ് കൗൺസിലറും പ്രതിപക്ഷവും ചെയ്തതെന്നും ഭരണസമിതി പറഞ്ഞു. മാനന്തവാടി ഗവ. വൊക്കേഷനൽ ഹയർ സെക്കൻഡറി സ്കൂളിൽ 150 കിടക്കകളുള്ള മറ്റൊരു സൻെറർ കൂടി ഒരുക്കിയിട്ടുണ്ടെന്നും സർക്കാറിൽനിന്നു അനുവദിച്ചു കിട്ടിയ 30 ലക്ഷം രൂപ ഉപയോഗിച്ച് പ്രതിരോധ പ്രവർത്തനങ്ങൾ ഊർജിതമാക്കുമെന്നും ഭരണസമിതി വ്യക്തമാക്കി. വാർത്തസമ്മേളനത്തിൽ ചെയർപേഴ്സൻ സി.കെ. രത്നവല്ലി, സ്ഥിരം സമിതി അധ്യക്ഷന്മാരായ പി.വി. ജോർജ്, മാർഗരറ്റ് തോമസ്, നഗരസഭ ആസൂത്രണ സമിതി ഉപാധ്യക്ഷൻ ജേക്കബ് ​െസബാസ്​റ്റ്യൻ എന്നിവർ പങ്കെടുത്തു.തൊണ്ടർനാട്ട് ജില്ല പൊലീസ് മേധാവിയുടെ മിന്നൽ പരിശോധനമാനന്തവാടി: കോവിഡ്​ പശ്ചാത്തലത്തിൽ ജില്ല പൊലീസ് മേധാവി ഡോ. അരവിന്ദ് സുകുമാർ തൊണ്ടർനാട്ടെ വിവിധ സ്ഥലങ്ങളിൽ മിന്നൽ സന്ദർശനം നടത്തി. ഉയർന്ന ടെസ്​റ്റ് പോസിറ്റിവിറ്റി നിരക്കാണ് തൊണ്ടർനാട് പഞ്ചായത്തിൽ രേഖപ്പെടുത്തുന്നത്. പന്നിപ്പാട്, നിരവിൽപ്പുഴ, കോറോം എന്നിവിടങ്ങളിലാണ് ജില്ല പൊലീസ് മേധാവി സന്ദർശനം നടത്തിയത്. പന്നിപ്പാട് കോളനിയിലെത്തി പ്രദേശവാസികളോട് കാര്യങ്ങൾ ചോദിച്ചറിഞ്ഞു. വാക്സിനേഷൻ എടുക്കുന്നതി​ൻെറ ആവശ്യകതയെപ്പറ്റി സംസാരിച്ചു. ഭക്ഷ്യവസ്തുക്കൾ ഉണ്ടോയെന്നും മറ്റെന്തെങ്കിലും ആവശ്യമുണ്ടോയെന്നും ചോദിച്ചറിഞ്ഞു. ആദിവാസി മേഖലകളിൽ കൃത്യമായി ശ്രദ്ധിക്കാൻ തൊണ്ടർനാട് പൊലീസിന് നിർദേശം നൽകി. മാനന്തവാടി ഡിവൈ.എസ്.പി എ.പി. ചന്ദ്രൻ, തൊണ്ടർനാട് എസ്.ഐ ജോർജ് എന്നിവരും കൂടെയുണ്ടായിരുന്നു.FRIWDL3തൊണ്ടർനാട്ട്​ ജില്ല പൊലീസ് മേധാവി ഡോ. അരവിന്ദ് സുകുമാർ സന്ദർശിക്കുന്നുകൺട്രോൾ റൂം പ്രവർത്തനം തുടങ്ങിമാനന്തവാടി: കോവിഡ് പ്രതിരോധ പ്രവർത്തനം ഊർജിതമാക്കുന്നതിന് തവിഞ്ഞാൽ ഗ്രാമപഞ്ചായത്തി​ൻെറ നേതൃത്വത്തിൽ 22 വാർഡുകളിലും കൺട്രോൾ റൂം തുറന്നു. വാർഡ് മെംബർമാർ, ആരോഗ്യ വകുപ്പിലെ ജീവനക്കാർ, വാർഡ്തല അംഗങ്ങൾ, ആർ.ആർ.ടി പ്രവർത്തകർ, അംഗൻവാടി ജീവനക്കാർ, ആശ വർക്കർമാർ, സന്നദ്ധ സംഘടന പ്രവർത്തകർ എന്നിവരുടെ നേതൃത്വത്തിലാണ് കൺട്രോൾ റൂം പ്രവർത്തിക്കുക. കൺട്രോൾ റൂമി​ൻെറ പഞ്ചായത്ത്തല ഉദ്ഘാടനം വിമല നഗറിൽ പഞ്ചായത്ത് പ്രസിഡൻറ് എത്സി ജോയി നിർവഹിച്ചു. സ്ഥിരം സമിതി ചെയർമാൻ ജോസ് കൈനിക്കുന്നേൽ അധ്യക്ഷത വഹിച്ചു. ഗ്രാമപഞ്ചായത്ത് അംഗം ജോണി മറ്റത്തിലാനി, ജെ.പി.എച്ച്.ഐ കെ.എം പ്രസീത, ജെ.എച്ച്.ഐ അപർണ കെ. പിള്ള, വിൻസൻെറ് തവളങ്കൽ, അച്ചപ്പൻ കൊയിലക്കണ്ടി, രാകേഷ് പത്മനാഭൻ എന്നിവർ പങ്കെടുത്തു. FRIWDL4കൺട്രോൾ റൂമിൻെറ പഞ്ചായത്ത്തല ഉദ്ഘാടനം വിമല നഗറിൽ പഞ്ചായത്ത് പ്രസിഡൻറ് എത്സി ജോയി നിർവഹിക്കുന്നു