വെള്ളറട: ആനപ്പാറയില്‍ ക്ഷേത്രത്തിലെ ശിവലിംഗ പ്രതിഷ്ഠയും കല്‍വിളക്കും തകര്‍ത്തു .വെള്ളിയാഴ്ച രാത്രിയാണ് ക്ഷേത്രത്തിലേക്കുള്ള പ്രധാന കവാടം തുറന്ന് ശിവലിംഗവും കല്‍വിളക്കും പീഠങ്ങളില്‍ സ്ഥാപിച്ചിരുന്ന വിളക്കുകളും തകര്‍ത്തത്. ആനപ്പാറ മേലേക്കര ശിവക്ഷേത്രത്തില്‍ ശനിയാഴ്ച രാവിലെ പൂജ ചെയ്യാനെത്തിയ പൂജാരിണി കമീല ആണ് ക്ഷേത്രത്തിലെ ശിവലിംഗം തകര്‍ക്കപ്പെട്ടത് കണ്ടത്.
തുടര്‍ന്ന് വെളളറട പോലീസില്‍ പരാതി നല്‍കി.ക്ഷേത്രത്തിലെ അരയാല്‍ മുറിച്ചു മാറ്റാന്‍ ചിലര്‍ ഭീഷണിപ്പെടുത്തിയിരുന്നതായി പറയുന്നു. സംഭവത്തില്‍ ശക്തമായ നടപടി സ്വീകരിക്കണമെന്ന് ഹിന്ദു ഐക്യവേദി സംസ്ഥാന സെക്രട്ടറി കെ.പ്രഭാകരന്‍ ആവശ്യപ്പെട്ടു. ചിത്രം. ക്ഷേത്രത്തിലെ ശിവലിംഗ പ്രതിഷ്ഠയും കല്‍വിളക്കും തകര്‍ത്ത നിലയില്‍.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.