തിരുവനന്തപുരം കുടുംബ കോടതിയുടെ 'കേസ് ഫ്ലോ' മാനേജ്‌മെൻറ്​ സംവിധാനം അവതാളത്തിൽ

തിരുവനന്തപുരം: കേസുകളിൽ തീർപ്പാക്കുന്നതി​െൻറ വേഗം വർധിപ്പിക്കാനായി ഹൈകോടതി ഉത്തരവ് പ്രകാരം തിരുവനന്തപുരം കുടുംബ കോടതിയിൽ ആരംഭിച്ച 'കേസ് ഫ്ലോ മാനേജ്‌മെൻറ്​'സംവിധാനം അവതാളത്തിൽ.

ജസ്​റ്റിസ്​ എ. മുഹമ്മദ് മുസ്‍താക്കി, ജസ്​റ്റിസ്​ സി.എസ്. ഡയസ് എന്നിവരടങ്ങിയ ഡിവിഷൻ ബെഞ്ചി​െൻറ ഉത്തരവ് പ്രകാരം 2021 സെപ്റ്റംബർ മാസമാണ് 'കേസ് ​േഫ്ലാ മാനേജ്‌മെൻറ്​'സംവിധാനം തിരുവനന്തപുരം കുടുംബ കോടതിയിൽ ആരംഭിച്ചത്. എന്നാൽ ഇവിടങ്ങളിലെ കേസുകളുടെ ബാഹുല്യം പ്രശ്​നം സൃഷ്​ടിക്കുന്നുണ്ട്​.

നിലവിലെ സാഹചര്യത്തിൽ 200ൽ പരം കേസുകളാണ് നിത്യേന പരിഗണിക്കാൻ വരുന്നത്​. ഇത് കാരണം കേസുകൾ വേഗത്തിൽ തീർപ്പാക്കാൻ സാധിക്കാതെ വരികയാണ്. കുടുംബ കേസുകളുടെ പ്രാഥമിക നടപടികൾ നടത്തുന്നതിനായി രൂപം നൽകിയ സംവിധാനമാണിത്​​​.

ഇൗ ​സംവിധാനത്തിൻറ ചുമതല ചീഫ് മിനിസ്​റ്റീരിയൽ ഓഫിസർക്കാണ്​. കേസുകളിൽ കക്ഷികൾക്ക് നോട്ടീസ് അയക്കുക, കക്ഷികളെ കൗൺസലിങ്ങിന് അയക്കുക, കേസുകളുടെ പ്രാരംഭ ഘട്ടത്തിലെ കേസുകളുടെ തീയതികൾ മാറ്റുക, കേസ് കൈകാര്യം ചെയ്യുന്ന കൗൺസിലർമാരുടെ റിപ്പോർട്ടുകൾ കൃത്യമായി പരിശോധിക്കുക തുടങ്ങിയവയാണ്​ ഇവരുടെ ചുമതല.

ഇന്ത്യയിൽ ഏറ്റവും കൂടുതൽ കുടുംബ കേസുകളിലെ കൂടുതൽ കേസുകളും കേരളത്തിലാണ്. നിലവിലെ കണക്കുകൾ പ്രകാരം കേരളത്തിലെ 28 കുടുംബ കോടതികളിലുമായി നിലവിൽ 1,04,015 കേസുകൾ തീർപ്പാകാതെ കെട്ടിക്കിടക്കുകയാണ്​. ഭാര്യാഭർത്താക്കന്മാർ തമ്മിൽ സംയുക്തമായി കേസ് തീർപ്പാക്കാൻ തീരുമാനിച്ച കേസിൽ പോലും കോടതിയുടെ കാല താമസം വന്നതിനെതിരെ സമർപ്പിച്ച ഹരജിയിലാണ് 'കേസ്ഫ്ലോ മാനേജ്‌മെൻറ്​'സംവിധാനം നടപ്പാക്കാൻ കുടുംബ കോടതികൾക്കും ഉത്തരവ് നൽകിയത്.

എന്നാൽ, ഇത്​ ഫലം കാണുന്നില്ലെന്നാണ്​ കാര്യങ്ങൾ വ്യക്തമാക്കുന്നത്​. തിരുവനന്തപുരത്തെ കേസ് ഫ്ലോ മാനേജ്‌മെൻറ്​ സംവിധാനം ആരംഭിച്ച് രണ്ടു മാസം കഴിഞ്ഞപ്പോഴേക്കും കുടുംബ കോടതിയിലും, കേസ് ഫ്ലോ മാനേജ്‌മെൻറ്​ കെട്ടിടത്തിലും കക്ഷികളുടെ തിരക്ക് ഇരട്ടിയായി.

സി.എം.ഒ യോഗ്യതയിലുള്ള ഉദ്യോഗസ്ഥൻ കൈകാര്യം ചെ​േയ്യണ്ട ജോലികൾ കുടുംബകോടതിയിൽ മറ്റ് സെക്ഷനുകൾ കൈകാര്യം ചെയ്യുന്ന ഉദ്യോഗസ്ഥർക്കാണ് നൽകിയിരിക്കുന്നത്. ഇത് കാരണമാണ് വേഗത്തിൽ നടക്കേണ്ട നടപടികൾ ഇഴഞ്ഞുനീങ്ങുന്നതെന്നാണ്​ അഭിഭാഷകരുടെ പരാതി.